Пристигна јануари, а со него и ниските температури, лошото време, но и вирусите, настинките и грипот. Ако се чувствувате лошо во моментов, верувајте не сте единствените. Се чини дека луѓето во моментов се борат со повеќе вирусни инфекции одеднаш, но зошто е тоа така?
Д-р Крис Смит, виролог од Универзитетот во Кембриџ, во интервју за „Би-Би-Си“ објаснува дека луѓето можат да се борат со една или повеќе вирусни инфекции одеднаш. Тој рече: „Повремено гледаме луѓе на кои им се дијагностицирани две, понекогаш и три вирусни инфекции во исто време“.
Ова има смисла затоа што многу луѓе се чувствуваат како да имаат настинка што едноставно не попушта, а докторот објасни дека веројатно се работи за тоа дека пациентите страдаат од неколку вирусни инфекции во исто време, или едноставно само ги нижат болестите една по друга како домино ефект. „За време на Ковид бевме во строг карантин одреден период, а сега кога нема повеќе мерки на претпазливост, на некој начин плаќаме данок на нашиот имунитет“, објасни д-р Смит.
Постојат лекови кои се издаваат без рецепт и лекови против болки кои можете да ги купите од аптеките за да ги ублажите симптомите, меѓутоа, доколку вашите симптоми продолжат или се влошуваат, се препорачува да побарате совет од вашиот лекар
Тогаш не бевме изложени на болести на кои би биле инаку, а тоа резултираше со тоа што нашиот имунолошки систем сè уште се „прилагодува“ на нормалниот живот и повторното излегување во надворешниот свет и дружење со луѓето. Сепак, д-р Крис сподели нешто позитивно и откри дека случаите на Ковид се „прилично ниско“ на списокот на вируси и болести кои нè погодуваат оваа зима, пренесува „Мирор“.
Ако се борите со обична настинка, најдобро е да се завиткате во ќебе, да останете на топло и да бидете хидрирани. Битен е и одморот за вашето тело да заздрави. Симптомите на настинка според NHS вклучуваат:
- затнат нос;
- болки во грлото;
- главоболка;
- болки во мускулите;
- кашлица;
- кивање;
- покачена температура;
- притисок во ушите и лицето;
- губење на вкус и мирис.
Исто така, постојат лекови кои се издаваат без рецепт и лекови против болки кои можете да ги купите од аптеките за да ги ублажите симптомите, меѓутоа, доколку вашите симптоми продолжат или се влошуваат, се препорачува да побарате совет од вашиот лекар.
