Најдолгата инфекција со новиот коронавирус кај некое лице, пред да почине од последици од КОВИД-19, траела 505 дена, објавија британските научници. Претходно друга личност била позитивна на SARS-CoV-2 цели 335 дена.
Кај повеќето луѓе кои ќе се заразат со овој вирус, телото е способно само да го преброди и да ја победи инфекцијата, но пациентот кој бил позитивен 505 дена во континуитет, имало многу ослабен имун систем и повеќе коморбидитети.
Првиот позитивен тест бил на почетокот на 2020., а потоа пациентот бил позитивен на вирусот и во сите следни тестирања, се до смртта во 2021.
Научниците, кои го проучувале вирусот кај девет ковид пациенти во Лондон, утврдиле дека кај имунокомпромитираните лица би можело да се појават нови ковид варијанти.
Научниците од Кралскиот колеџ во Лондон своите резултати од истражувањето ги претставија на Европскиот конгрес на клиничка микробиологија и заразни болести во Лисабон.
