Речиси сите новороденчиња во првите неколку дена по раѓањето губат дел од родилната тежина, без разлика дали се хранат со формула или мајчино млеко. Многу неонатолози очекуваат бебињата да ја вратат изгубената тежина или да се вратат на нивната родилна тежина во рок од 10 до 14 дена.
Студијата ќе помогне очекувањата на родителите и лекарите за здравата тежина на детето во првиот месец да бидат реални и да не „паничат“ доколку тоа не е во согласност со сите пропишани параметри
Но, студијата на 144.000 новороденчиња покажала дека по 14 дена, 14 отсто од бебињата родени спонтано и 24 отсто од бебињата родени со царски рез не ја повратиле својата родилна тежина. Научниците велат дека родителите не треба да се грижат за ова бидејќи во повеќето случаи тоа е нормален временски период.
Децата родени со царски рез во првите три дена по раѓањето губат значително повеќе тежина бидејќи на свет доаѓаат похидрирани од другите бебиња поради растворот за инфузија што им се дава на трудниците пред и за време на оперативниот зафат, вели водачот на студијата д-р Ијан Пол, научник на Универзитет во Пенсилванија.
Студијата спроведена помеѓу 2009 и 2013 година во Медицинскиот центар Kaiser Permanente во Калифорнија, меѓу кои немало предвремено родени бебиња, покажала дека дури ни по три недели, пет проценти од бебињата родени спонтано и осум проценти од децата родени со царски рез не ја повратиле својата родилна тежина.
Децата родени со царски рез во првите три дена по раѓањето губат значително повеќе тежина бидејќи на свет доаѓаат похидрирани од другите бебиња поради растворот за инфузија што им се дава на трудниците пред и за време на оперативниот зафат, вели водачот на студијата д-р Ијан Пол, научник на Универзитет во Пенсилванија
Недостаток на студијата е што научниците не евидентирале податоци за начинот на кој се хранеле бебињата по враќањето дома од породилиште, што значително влијае на зголемувањето на килограмите.
Доените деца поспоро напредуваат од децата кои се на адаптирана формула
Имено, кога станува збор за тежината, децата кои се хранат со мајчино млеко најчесто напредуваат послабо од групата која се храни со формула. „Побавното зголемување на телесната тежина кај доенчињата е вообичаена појава“, вели истражувачката Теса Круме од Факултетот за јавно здравје во Аурора, која не била вклучена во студијата.
Таа посочува дека родителите не треба да се грижат доколку нивното дете не добива на тежина со брзината што ја очекувале, но потсетува дека треба да водат сметка за можните знаци на дехидрација, послаба општа активност, да ја следат столицата и урината на новороденчето и евентуална појава на жолтица која е честа кај бебињата, но обично поминува во рок од една недела.
„Во секој случај, родителите чии деца не се вратиле на нивната родилна тежина дури и десет дена по раѓањето, не треба да се грижат, бидејќи овој процес кај поголемиот дел од новороденчињата трае малку подолго. Студијата ќе помогне очекувањата на родителите и лекарите за здравата тежина на детето во првиот месец да бидат реални и да не „паничат“ доколку тоа не е во согласност со сите пропишани параметри“, вели Круме.
