Користењето на мобилен телефон и пребарувањето по социјалните мрежи пред спиење, се причина за проблемот со спиење кој се повеќе децат го имаат, а допринесува и за појава на обезност и ментални проблеми, предупредуваат стручњаците.
Научниците истакнуваат дека е зголемен бројот на млади луѓе кои имаат проблем со спиењето, а тоа најмногу е забележано на возраст од 14 до 16 години.
Сепак, некои експерти предупредуваат дека не треба да се демонизираат социјалните мрежи, туку дека родителите би требало да постават граници на своите деца.
“Знаеме дека синото светло кое го емитуваат екрани може лошо да влијае на спиењето, а главен проблем е во родителите кои не водат сметка за децата, а не пак за социјалните мрежи“, вели д-р Тања Гудин.
“Ако децата останат будни до доцна, и цело време се на мобилен телефон и социјални мрежи, мора да се признае дека вината е во родителите, а не во компаниите кои ги создале таквите апликации“, истакнува таа.
Но, социјалните мрежи не се единствената причина поради која децата се повеќе имаат проблеми со спиењето – епидемијата на обезност и порастот на менталните проблеми меѓу младите исто така допринесуваат за тоа, алармираат лекарите.
“Имаме две главни епидемии меѓу децата. Едната е дебелината, а втората се менталните проблеми, а сето тоа е поврзано и со спиењето“, вели д-р Мајкл Фаркар.
Јасно дека контролата и воспоставувањето рутина од најраната возраст е она што може да помогне. Секако дека треба да постои и флексибилност, но правилата мора да се почитуваат, советуваат експертите.
