Аутизмот е пречка во развојот која влијае на социјалните вештини, како што се основната комунакција, играњето и учењето. Лекарите се уште не знаат што точно го предизвикува, но веруваат дека претставува комбинација на надворешни и генетски фактори. Предвремено раѓање, мала родилна тежина, компликации при породување и родители во повозрасни години се некои од ризик факторите.
Некои родители може да препознаат аутизам врз основа на симптомите кои се манифестираат. Бебето не успева да комуницира преку одредени звуци и движења, односно не реагира на социјална интеракција. Американскиот центар за контрола и превенција на болести објави дополнителни знаци на аутизам кај бебињата:
Знаци на аутизам кои се јавуваат до третиот месец:
- Со поглед не следи предмети кои се во движење
- Не реагира на бучава
- Не се обидува да дофати или да држи предмети
- Не се смее
- Не брбори
- Не обрнува внимание на нови луѓе кои му приоѓаат
Знаци на аутизам кои се јавуваат до седмиот месец:
- Различни звуци се појавуваат, но детето нема потреба да ја сврти главата за да дознае од каде тие доаѓаат
- На никаков начин не покажува наклоност кон вас
- Никако не испушта било каков вид на звуци
- Не посегнува по предмети
- Самоволно не сака да се насмее
- Не му е важно да го привлече вниманието на родителите или некој друг преку одредени активности
- Не покажува интерес за игра
Знаци на аутизам кои се јавуваат до првата година на бебето:
- Не лази
- Не изговара зборови
- Не користи гестикулации како мавтање или мрдање со глава
- Не покажува на предмети или фотографии
- Не може да стои иако некој го придружува
Важно е да се напомене дека, иако овие знаци можат да се забележат, тие не можат дефинитивно да докажат дека бебето има аутизам. Тие само им помагаат на лекарите да утврдат дали детето треба да биде упатено на понатамошни испитувања.
Најдобра опција е да закажете преглед кај педијатар. Колку побрзо се утврди дијагнозата, толку поефикасен ќе биде процесот на олеснување на симптомите. Ублажувањето може да вклучува посети кај логопед, бихевиорална терапија и друго. Во некои случаи, раните симптоми можат дури и целосно да се излекуваат.
