Забите треба да се четкаат по секој оброк, меѓутоа тоа не го прават ни многу возрасни, а особено децата. Истражување во спроведено во Австралија покажало дека за дури 71% од родителите проблем е да ги натераат децата барем два пати дневно да ги мијат забите. Поголем процент признале и дека се соочуваат со проблеми оти децата ја јадат забната паста или си играат со четката за заби.
Затоа, ако имате дете кое не сака редовно да мие заби, пробајте ги овие трикови.
БИДЕТЕ ПРИСУТНИ И ПОЗИТИВНИ
На детето родителите му се пример и мора да се придржуваат кон тоа кога е во прашање орланото здравје. Ако детето гледа дека и вие сами редовно ги четкате забите и во тоа уживате, поголема е веројатноста и тоа да го прави истото.
ПОЧНЕТЕ СО ОВАА НАВИКА ВО РАНАТА ВОЗРАСТ
Штом детето го добие првиот заб, измијте го со газа натопена во вода, советуваат стручњаците. На една година може да му подарите прва четка за заби и полека низ забава да го учите како се мијат.
ПОСЕТЕТЕ СТОМАТОЛОГ
Детето мора во што порана возраст да почне да се привикнува на редовни посети кај стоматолог. Закажете го првиот термин и детето нека си игра и разговара со стоматологот кој може многу да го научи.
ДОЗВОЛЕТЕ ДЕТЕТО САМО ДА ОДБЕРЕ ЧЕТКА И ПАСТА ЗА ЗАБИ
Неважно дали детето сака одредена боја на четката или вкус на забната паста, оставете го само да донесе одлука. Така повеќе ќе ужива во миењето заби.
