Пишувањето и читањето не се лесна работа. Иако како возрасни ги потценуваме овие вештини, тие за детето се многу важни како база неопходна за понатамошното школување. Еден од попречувачките фактори кои влијаат на совладување на техниките на читање и пишување е секако разводот на родителите. Детето, поради својата емотивна состојба, не може адекватно да учи и да пишува. Она што многу често се случува е родителите да помислат дека детето има дислексија и дисграфија, што истовремено може да влијае на детето да добие етикета и да го издвојува од останатите деца.
Децата ги совладуваат овие вештини со различно темпо. Тогаш кога темпото, по мислење на родителите или наставниците, е пребавно, родителите се обраќаат по логопеди и психолози.
Прво на што се сомнева се дислексија и диграфија
- Дислексијата преставува пореметување во учењето на читањето или во разбирање на прочитаното, иако нема назнаки дека постои било каков интелектуален дефицит или пореметување на видот или слухот.
- Дисграфијата од друга стана, видлива е во вид на тешкотии при пишувањето кои се манифестираат со неправилен ракописот т.е. пореметување на линеацијата (кога буквите излегуваат од редови) и графомоторен чин (букви кои детето ги пишуба имаат малку сличности со буквите кои треба да ги пишува).
Дислексијата и дисграфијата треба да се разликува од несовладеаната техника на читање и пишување. При оваа состојба се јавуваат несистематски, недоследни и слични грешки кои се јавуваат во текот на првите чекори на совладување на вештините на читање и на пишување.
Родители, порачуваат логопедите, немојте да чекате да помине време, да помине распустот или уште една училишна година. Ако сте забележале дека детето има проблем во совладување на техниката на читање и пишување, однесете го кај стручно лице кое со тимска проценка (логопед, психолог) е увиди кој проблем е е во прашање.
