Иако секоја мајка се труди да биде што е можно подобра спрема својата ќерка, понекогаш нивниот однос може да стане нездрав и со самото тоа да му наштети на развојот на детето. Како што објаснуваат психолозите, постојат неколку јасни показатели кои откриваат дека врската мајка – ќерка е сè само не добра. Еве за кои знаци се работи, според „Very Well Family“.
Други знаци на нездрав однос мајка-ќерка вклучуваат емоционално недостапна мајка, мајка која првенствено е преокупирана со себе и со сопствените проблеми, а ги игнорира проблемите на својата ќерка, и мајка која е склона кон навреди
Еден од првите знаци е мајка која е склона кон критики. Иако е јасно дека секоја мајка ќе тежнее кон тоа да и укаже на грешките на нејзината ќерка за да и помогне, премногу критичност само покажува дека нешто не е во ред со односот мајка-ќерка. Психолозите тврдат дека секој однос, а особено односот помеѓу родителот и детето, треба да се заснова на разбирање, а не на константното критикување.
Друг знак за нездрав однос мајка-ќерка е споредбата со другите. Најчесто станува збор за споредување на ќерката со нејзините врсници, пријателки или сестри. Сето ова, предупредуваат психолозите, е знак дека врската меѓу мајката и ќерката е нарушена бидејќи се заснова на наоѓање маани, а не на истакнување доблести.
Други знаци на нездрав однос вклучуваат емоционално недостапна мајка, мајка која првенствено е преокупирана со себе и со сопствените проблеми, а ги игнорира проблемите на својата ќерка, и мајка која е склона кон навреди.
