Постојат различни мислења за тоа зошто жените имаат мајчински инстикт. Додека едни мислат дека тука станува збор за природен инстикт и дека тоа ни е биолошки зададено, други веруваат дека желбата за дете доаѓа низ искуството. Постои мислење дека всушност социјалниот притисок е тој што им зборува на жените дека треба да имаат мајчински инстикт, правејќи ги да се чувствуваат лошо ако го немаат.
Но, без оглед на мислењата, во текот на бременоста во телото се случуваат хормонални промени кои ја подготвуваат жената и го будат природниот инстикт за мајчинство. Дали тоа секогаш се случува е сосема друго прашање. Со оглед дека не постои единствена дефиниција за мајчинскиот инстикт, жените веруваат дека со своето бебе ќе се поврзат веднаш по породувањето. Чувствуваат дека им е потребен водич кој треба да им објасни се за мајчинството и дека мајчинскиот инстикт е даден секому, но не и ним. Се додека хормоните не провеат низ женското тело, тие нема да го имаат тој мачински инстикт.
ОКСИТОЦИНОТ ИГРА ВАЖНА УЛОГА
Иако се поставува прашањето дали мајчинскиот инстикт се појавува пред бременоста, она за кое не се зборува е дека хормоните ги создаваат промените во телото за да се воспостави врска помеѓу мајката и бебето по раѓањето.
Според студија од 2007 година, хормонот окситоцин создава желба кај мајките да се поврзат со своето бебе. Нивото на окситоцинот постојано се зголемува во текот на бременоста, додека не го достигне својот пик по раѓањето на детето. Од тој момент па натаму, окситоцинот им помага на мајките да изградат силни врски со своите бебиња и да ги подготви да сакаат да ги хранат и негуваат.
Рецепторите за окситоцин во мозокот го регулираат однесувањето на мајката, па може да се каже дека овој хормон го индуцира “мајчинското однесување“.
МОЗОКОТ НА МАЈКАТА МИНУВА НИЗ ПРОМЕНИ
Кога жената ќе забремени, нејзиниот мозок поминува низ промени кои ќе го разбудат нејзиниот природен инстинкт за мајчинство. Од моментот кога ќе забремени, сивата материја во нејзиниот мозок станува “пофокусирана“. Деловите на мозокот, кои се одговорни за “емпатија, анксиозност и социјална интеракција“, стануваат поактивни. Овие промени, во комбинација со окситоцинот, го будат мајчинскиот инстинкт.
Некои жени имаат желба да станат мајки уште од мали нозе, па се верува дека уште тогаш почнале да развиваат мајчински инстинкт. Постои мислење дека опкруженоста со бебиња, со кои жените се во контакт, може да влијае на нивниот мајчински инстинкт бидејќи престојот во близина на бебето може да го промени нивото на хормоните. Дополнително, животните искуства и сопственото детство можат да влијаат на природниот мајчински инстинкт.
Како резултат на тоа, жените кои се поддржани од околината имаат поизразен мајчински инстинкт и обратно, па тоа би можело да биде причината поради која природниот инстинкт за мајчинство кај некои жени е поизразен отколку кај другите.
