Постпородилниот период е време исполнето со љубов, но и со многу прашалници, замор и непроспиени ноќи. Понекогаш ти се чини како ништо никогаш да не се врати „во нормала“. Но, верувај – сè е само фаза, и ти, чекор по чекор, повторно ќе ја пронајдеш себе.
- Сè изгледа хаотично – и тоа е сосема во ред
Да бидеме искрени – првите недели по раѓањето на бебето можат да бидат вистински предизвик. Умор, емоции, нова реалност… сè е на куп. Но и покрај хаосот, тоа е магичен период полн со љубов, мирис на нов живот и чувство кое не може да се спореди со ништо друго. Ако ви изгледа како никогаш ништо да нема да се врати во нормала – само почекајте. Ќе се врати.
- Ќе спиете. И тоа убаво.
Несоницата изгледа бескрајно, но не е. Фазата со новороденче навистина е само фаза. Вашето бебе ќе научи да спие, а со тоа и вие. Ќе дојде ден кога ќе легнете навреме и ќе се разбудите одморени. Само треба да издржите уште малку.
- Патувањата и дружењата ќе се вратат
Можеби сега секој излез од домот изгледа невозможен, но времето кога ќе можете повторно да уживате со пријатели, да патувате и да правите планови за себе – ќе дојде. Побрзо отколку што мислите.
- Телото се менува – и повторно се враќа
Да, моментално не се чувствувате како себе – телото изгледа поинаку, лицето уморно, а гардеробата не е баш најсјајна. Но верувајте – ова ќе се промени. Вашето тело поминало низ многу и заслужува почит. Со време, ќе си го вратите чувството на самодоверба, ќе се облечете убаво, ќе се нашминкате и ќе се погледнете во огледало со насмевка.
- И личниот простор ќе се врати
Бебињата ја освојуваат секоја просторија, па дури и спалната. Но и тоа е привремено. Доаѓа време кога бебето ќе има своја соба, свои активности и свој ритам. А вие – ќе имате свои моменти на мир и тишина.
