Родителите кои се склони да ги критикуваат своите деца често не сфаќаат дека им прават многу повеќе штета отколку корист. Имено, група невролози од Универзитетот Питсбург, и Харвард одлучиле да истражат како родителската критика влијае на тинејџерите, поточно на нивниот мозок. Во студијата во која учествувале 32 момчиња и 22 девојчиња на тинејџерска возраст, научниците дошле до неверојатно откритие.
Истражувачите се фокусирале на три специфични мозочни мрежи во тинејџерскиот мозок, а тоа се подрачја кои претходно биле поврзани со обработка на негативни емоции, области вклучени во регулација на емоциите и таканаречени нервни области вклучени во разбирањето на перспективите на другите луѓе.
Тие набљудувале колку активности се случувале во овие подрачја додека тинејџерите го слушале критикување на нивните родители, поточно нивните мајки, во споредба со оние кога ги слушале нивните мајки како зборуваат за „неважни“ работи како купување намирници. Тие, исто така, проверувале дали некои промени во активноста на мозокот продолжуваат после тоа.
Како што покажале резултатите, кога тинејџерот ќе слушне критиката од родителот, неговиот мозок буквално се исклучува на неколку моменти. Имено, при слушањето на критиките, мозоците на тинејџерите покажале поголема активност во областите вклучени во негативни емоции, но и значително намалена активност во регионите вклучени во размислување, емоционална контрола и преземање на туѓо гледиште.
