Кој може да одолее на крцкавиот помфрит, хамбургери или слатки? Во брзата храна уживаат и големи и мали. Повремено, во некои посебни прилики, консумирањето на овој вид на храна не може да предизвика многу штета, но кај децата (како и кај возрасните) кои често јадат брза и преработена храна може да има сериозни долгорочни последици. Еве ги најчестите од нив.
Истражувањата покажаа дека децата кои јадат брза и нездрава храна три или повеќе пати неделно имаат поголем ризик од појава на астма, кожна егзема и ринитис. Бројните адитиви од брзата и преработена храна воедно влијаат на влошување на состојбата на децата со респираторни заболувања
Зголемување на телесната тежина
Хамбургерот што вашето дете го обожава е преполн со нездрави масти, скриени шеќери и адитиви и празни калории. Токму овој вид на храна прави децата да се чувствуваат летаргично, безволно, а со самото тоа се и помалку активни, а празните калории ги одржуваат сити многу пократко, па затоа јадат повеќе храна. Комбинацијата на помалку активност и повеќе храна неизбежно води до зголемување на телесната тежина и кај децата и кај возрасните.
Недостатокот на витамини и минерали доведува до пад на имунитетот
За нашите тела да бидат здрави, потребна им е квалитетна и нутритивно богата храна. Доколку често јадете нездрава храна, преполна со калории, а сиромашна со витамини и минерали, нема сомневање дека ќе дојде до пад на имунитетот и чести болести.
Зголемен ризик за дијабетес тип 2
Брзата храна ја нарушува регулацијата на инсулинот во телото на вашето дете и го забавува метаболизмот. Честото консумирање на засладени пијалаци и слатки може да доведе до инсулинска резистенција кај децата, а сето тоа заедно го зголемува ризикот од развој на дијабетес тип 2.
Проблеми со бубрезите
Брзата и нездрава храна има висока содржина на натриум, а премногу натриум во телото може да влијае на отекување, задржувањето на водата и отежнување на работата на бубрезите. Детските бубрези, како и сите други органи, се уште почувствителни, па последиците можат да бидат уште потешки од влијанието на нездравата храна врз телото на возрасен.
Хамбургерот што вашето дете го обожава е преполн со нездрави масти, скриени шеќери и адитиви и празни калории. Токму овој вид на храна прави децата да се чувствуваат летаргично, безволно, а со самото тоа се и помалку активни, а празните калории ги одржуваат сити многу пократко, па затоа јадат повеќе храна
Дигестивни проблеми
Нездравата храна е преполна со лоши масти и шеќери, а сиромашна со природни хранливи материи, па тоа може сериозно да го наруши балансот на корисни цревни бактерии. Кога на тоа ќе го додадеме недостатокот на влакна од овошјето и зеленчукот, тоа може да доведе до дигестивни проблеми кај децата, од синдром на иритабилно црево, до запек и надуеност, што последователно може да влијае и на општото здравје на детето.
Проблеми со забите
Иако нашата прва мисла е дека нездравата и слатка храна доведува до расипување на забите, кариес и болести на непцата, проблемот е уште поголем. За забите да бидат здрави, исто како и детските коски, потребни се хранливи материи. Во недостаток на истите, може да дојде до расипување на забите и појава на остеопороза во рана возраст.
Оштетување на когнитивните функции
Здравата храна го одржува мозокот здрав и активен, а кај луѓето кои јадат големи количини на нездрава храна може да дојде до послаба концентрација и потешкотии во учењето, додека внесувањето на големи количини на адитиви, конзерванси и вештачки бои доведува до АДХД и проблеми во однесувањето.
Зголемен ризик од астма и егзема
Истражувањата покажаа дека децата кои јадат брза и нездрава храна три или повеќе пати неделно имаат поголем ризик од појава на астма, кожна егзема и ринитис. Бројните адитиви од брзата и преработена храна воедно влијаат на влошување на состојбата на децата со респираторни заболувања.
Лош сон и зголемен ризик од апнеја
Храната со адитиви и додадени шеќери, исто како и засладените и газираните пијалаци, доведува до намалување на квалитетот на сонот, се нарушува состојбата на будност и сон, а прекумерното консумирање лоша храна може да доведе и до појава на апнеја кај децата.
