Една четвртина од пациентите со КОВИД-19 кои починале во болниците во Англија имале дијабетес, според официјални бројки. За прв пат, NHS Англија објави преглед на смртни случаи според претходно постоечки здравствени состојби. Само пет проценти од жртвите немале претходни болести.
Од 22.332 пациенти кои починале од 31 март, кога започнале да се пријавуваат претходните заболувања, околу 5.873 (26%) од пациентите имале дијабетес.
Состојбата, која ја имаат околу 4 милиони Британци, ги прави луѓето поподложни на развој на инфекции.
Високото ниво на шеќер во крвта може да ја ослабне одбраната на имунолошкиот систем на пациентот, што го прави побавен во одговорот на вируси како што е SARS-CoV-2. Исто така, тоа е тесно поврзано со дебелината, која е признаена како потенцијален ризик-фактор за тешки компликации од COVID-19
Лекарите истакнаа дека дијабетичарите би имале подобри исходи на КОВИД-19, доколку ја менаџираат правилно нивната состојба.
Бројките на NHS Англија, исто така, откриле дека скоро една петтина од жртвите на КОВИД-19 во болниците имале деменција, а 15 % страдале од ХОББ. (Дејли мејл)
