Доенчињата и малите деца кои примале антибиотици може да имаат помалку силен имунолошки одговор на рутинските вакцинации во детството, предупредува ново истражување објавено на Pediatrics.
Ова е прва студија која сугерира дека антибиотиците може да ја намалат способноста на децата да создаваат антитела за борба против инфекциите како одговор на вакцинирањето.
Инаку, одамна е познато дека децата се разликуваат со јачината на одговорот на антитела на вакцинацијата, а причините за таквите варијации главно се непознати.
Исто така, истражувањето покажало дека колку повеќе антибиотици детето примало во првата година од животот, толку биле пониски нивоата на антитела на вакцината на возраст до 12 до 15 месеци. Секој дополнителен антибиотик бил поврзан со пад на нивото на антитела од 6% до 11%, во зависност од вакцината.
Според мислењето на стручњаците, важно е да се има предвид, дека антибиотиците лекуваат само бактериски инфекции и дека не смеат да се користат на вирусни инфекции, како настинка или грип. Значи, родителите не би требало да бараат од педијатарот рецеот за антибиотици за тие видови на болести.
