Ризикот од инфекција со новиот коронавирус кај децата се намалува оти ретко имаат симптоми, па КОВИД-19 останува неоткриен, тврдат австриските научници и нагласуваат дека во секоја трета училница во месец декември во Австрија седело едно заразено дете, што овозможило побрзо ширење на вирусот.
Научниците од Универзитетот во Виена под водство на Мајкл Вагнер, професор по микробиологија, тврдат дека тоа е спротивно на досегашните теории, според кои SARS-CoV-2 главно не ги напаѓа децата, затоа што нивото истражување, од септември до ноември, покажало дека стапката на заразени во училиштата се зголемувама еднакво како што се зголемувал и бројот на позитивни во популацијата, односно се триплирала.
Тие тврдат дека, ако се затворат сите останати потенцијални места за собирања и зараза, а училиштата останат отворени, и натаму постои голем ризик за ширење на инфекцијата. Притоа, нагласуваат дека ситуацијата би можела да биде и поопасна ако се отворат училиштата и се појави британскиот мутиран вирус кој се шири побрзо.
Германскиот вирусолог Кристојан Дростен од Универзитетската болница Charité во Берлин, вели дека во јуни и јули, кога училиштата во Британија повторо се отвориле, по затворањето, истражувачите од Националната здравствена служба откриле дека тие не се поштедени од коронавирусот, како што многумина се надевале и дека меѓу учениците има толку инфекции колку и на други места.
Со оглед дека британскиот мутиран вирус побрзо се шири и меѓу децата, јасно е, велат научниците, зошто училиштата треба да останат затворени, иако во повеќето земји тоа засега не е опција.
Вагнер предупредува дека преголемата циркулација на вирусот ќе ја зголеми веројатноста за мутации, а тогаш постои опасност и постоечките вакцини да бидат неефикасни поради преголемиот број на промени на вирусот.
