Се повеќе луѓе се разболуваат од новата варијанта на Ковид, а научниците веруваат дека наскоро би можела да стане доминантна.
Симптомите што ги имаат заболените со варијантата XEC се слични на оние симптоми кои се јавуваат при настинка и грип, како и порано, а четири се најчести: висока температура, болки, замор и кашлица или болки во грлото
Новата варијанта наречена XEC, беше идентификувана во Германија во јуни, а оттогаш се појави во Велика Британија, САД, Данска и уште неколку земји, пишува Би-Би-Си.
Варијантата XEC е хибрид од претходните омикронски подваријанти KS.1.1 и KP.3.3, која моментално е доминантна во Европа. Но, мутациите на XEC би можеле да помогнат полесно да се шири оваа есен, велат експертите, иако веруваат дека вакцината и понатаму треба да помогне да се спречат потешки случаи.
Професорот Франсоа Балу, директор на Институтот за генетика на Универзитетскиот колеџ во Лондон, рече дека XEC може да стане доминантна подваријанта во текот на зимата.
Четири најчести симптоми
Симптомите што ги имаат заболените со варијантата XEC се слични на оние симптоми кои се јавуваат при настинка и грип, како и порано, а четири се најчести: висока температура, болки, замор и кашлица или болки во грлото.
Повеќето пациенти се чувствуваат подобро неколку недели откако ќе се заразат, но закрепнувањето може да потрае подолго. Аналитичарот кој ги анализира податоците за Ковид, Мајк Хани, истакнува дека има силно зголемување на бројот на пациенти со варијантата XEC во Данска и Германија.
Во исто време, се прават помалку рутински тестови од претходно, така што е потешко да се открие колку навистина е присутен Ковид. Агенцијата за здравствена безбедност на Велика Британија (UKHSA) вели дека е нормално вирусите да мутираат и да се менуваат.
