♦♦♦♦♦♦♦
Родителите треба да добијат нови насоки за реткиот синдром, поврзан со коронавирус, кој ја остави петгодишната Скарлет Николас со потреба од третман на интензивна нега. Скарлет Николас, од Вејкфилд, била ставена на респиратор во болницата во Пиндерфилд, откако се разболела сериозно со симптоми слични на болеста Кавасаки. Тоа се случило два месеци откако целото семејство имало коронавирус, но само со благи симптоми. „Скарлет е сега дома и добро заздравува, но сè уште поминува низ некои тестови“, изјави нејзината мајка Наоми Робертс.
Здравствените професионалци го нарекоа овој синдром педијатриски мултисистемски инфламаторен синдром или PIMS, кој е поврзан со КОВИД-19.
Синдромот се случува многу ретко и повеќето деца со КОВИД-19 нема да бидат сериозно погодени. Во многу мал број на случаи може да биде сериозен, па дури и опасен по живот.
* Педијатриски мултисистемски инфламаторен синдром или PIMS, поврзан со COVID-19: ИНФОРМАЦИИ ЗА СЕМЕЈСТВАТА, Кралски колеџ за педијатрија и детско здравје (RCPCH) на следниот ЛИНК
„Повеќето деца не се разболуваат сериозно со COVID-19. Помалку од 1,5% од сите приеми во болница со вирусот се од лица помлади од 20 години, само малку од нив бараат прием на одделение за интензивна нега. Но, лекарите имаат видено мал број на деца и тинејџери со необична состојба која се чини дека е поврзана со вирусот“, изјавија од Кралскиот колеџ за педијатрија и детско здравје.
Сериозно погодените деца или тинејџери ќе имаат симптоми кои се многу слични на други состојби како сепса или менингитис.
На родителите и на други даватели на нега им се советува да внимаваат на следниве знаци:
- Ако детето има температура од 38⁰ или повисока, ладни раце и нозе и е поспано, јавете се на вашиот лекар.
- Ако симптомите продолжат, а не сте биле во можност да зборувате со лекар, однесете го вашето дете во најблиската болница. Ако сте загрижени, верувајте им на вашите инстинкти и побарајте помош. (ITV News)
