Иако за коронавирусот најчесто се врзуваат симптоми како што се покачена температура, болки во грлото, кашлица, губење на чувството за вкус и мирис, а во новиот бран и течење на носот, главоболки… сега се јавуваат и некои сосема нови симптоми.
Д-р Стојановиќ посочува дека 90 проценти од луѓето што се јавуваат во Ковид амбулантите не се вакцинирани, 90 проценти од хоспитализираните се исто така невакцинирани, и 95 проценти од оние што починале од коронавирус
Директорот на белградскиот Здравствен дом „Д-р Милутин Ивковиќ“, д-р Александар Стојановиќ предупредува дека се повеќе луѓе доаѓаат со симптоми на цревни вирози, а излегува дека се заразени, односно позитивни на Ковид-19, пренесува српски „Мондо“.
„За жал, вирусот повторно мутираше и многу луѓе што дојдоа од одмор имаа проблеми со цревни вирози, претежно од Црна Гора. Се испостави сега во последните 10 дена дека овие проблеми и проблемите со дехидратација, имаат врска со инфекција со коронавирус. Тоа уште еднаш покажува колку и како вирусот делува на стомачните проблеми. Мојот апел е сите луѓе кои ќе почувствуваат какви било тегоби да не чекаат дома два-три дена дома, туку веднаш да дојдат во Здравствениот дом“.
Д-р Стојановиќ посочува дека 90 проценти од луѓето што се јавуваат во Ковид амбулантите не се вакцинирани, 90 проценти од хоспитализираните се исто така невакцинирани, и 95 проценти од оние што починале од коронавирус.
„Вчера имавме случај кога еден млад човек, роден 1992-ра година, падна од тегоби, едноставно не можеше да стои на нозе! Кога знаеме дека само 18-20 проценти од населението до 32-годишна возраст се вакцинирани, тоа укажува дека имаме огромен број луѓе кои се невакцинирани и го пренесуваат вирусот на вакцинираните. Добрата работа е што станува збор за поблаги случаи, но овие помлади невакцинирани лица се проблемот на овој бран“, заклучува д-р Стојановиќ.
