Антиинфламаторни лекови кои ги земаат милиони бремени жени ширум светот може да го зголемат ризикот од аутизам кај нивните бебиња, покажува данска студија која го разгледува влијанието врз децата кои биле изложени на глукокортикоиди, класа на стероиди, додека биле во матката.
Глукокортикоидите се класа на стероиди кои го имитираат дејството на кортизолот, хормон што природно го произведува надбубрежната жлезда. Тие имаат силни антиинфламаторни и имуносупресивни својства и се користат за лекување на различни медицински состојби
Оние кои пренатално биле изложени на лековите имале меѓу 30 и 50 отсто поголеми шанси да бидат дијагностицирани со аутизам во споредба со децата чии мајки не ги земале.
Студијата, исто така, ги поврза глукокортикоидите, кои вклучуваат преднизон и кортизон, со поголем ризик од интелектуална попреченост, нарушување на вниманието и хиперактивност (АДХД) и анксиозност.
Глукокортикоидите го имитираат хормонот кортизол, кој го произведува надбубрежната жлезда и е познат по своето антиинфламаторно дејство. Тие се препишуваат на бремени жени со ризик од предвремено породување бидејќи исто така помагаат и во развојот и созревањето на органите на фетусот.
Лековите се даваат и на бремени жени кои страдаат од автоимуни или воспалителни заболувања како што се ревматоиден артритис, лупус и астма, бидејќи тие го намалуваат имунолошкиот одговор.
Децата на мајките со ризик од предвремено породување кои земале глукокортикоиди имале 50 проценти поголема веројатност да бидат дијагностицирани со аутизам од оние чии мајки не биле изложени на лекови. Ризикот од интелектуална попреченост и АДХД бил 30 отсто поголем кај изложената група деца, додека расположението, анксиозноста и нарушувањата поврзани со стресот биле 50 отсто повисоки
Сепак, новата студија сугерира дека ако бебињата се изложени на прекумерни количини на глукокортикоиди тоа може да го промени нивниот развој на мозокот на негативен начин.
Се проценува дека на два до три проценти од популацијата моментално им се препишуваат глукокортикоиди. Стероидите бетаметазон и дексаметазон, кои минуваат низ плацентата, се користат кај луѓе со ризик од предвремено породување и обата обично се инјектираат во раката, ногата или задникот на мајката.
Некои несакани ефекти од продолжената употреба на глукокортикоиди се познати со децении, а најчести се зголемувањето на телесната тежина и болеста на зглобовите – остеопороза.
Но, најновото истражување од Данска сугерира дека лековите би можеле да му наштетат и на развојот на мозокот на бебињата. Истражувачите го разгледувале развојот на повеќе од 1 милион доенчиња родени помеѓу 1996 и 2016 година. Од 1,1 милион деца, повеќе од 300.000 биле изложени на глукокортикоиди во утробата. На некои од жените во студијата им биле дадени стероиди за да се спречи предвремено породување, додека на огромното мнозинство мајки им бил даден лек за лекување на автоимуни или воспалителни состојби.
Истражувачите повторно ги посетиле децата 15 години подоцна и ја провериле нивната медицинска историја за да видат како изложеноста на глукокортикоиди влијаела врз нив. Децата на мајките со ризик од предвремено породување кои земале глукокортикоиди имале 50 проценти поголема веројатност да бидат дијагностицирани со аутизам од оние чии мајки не биле изложени на лекови. Ризикот од интелектуална попреченост и АДХД бил 30 отсто поголем кај изложената група деца, додека расположението, анксиозноста и нарушувањата поврзани со стресот биле 50 отсто повисоки.
За децата на мајки со автоимуни или воспалителни нарушувања, ризикот од аутизам и АДХД бил 30 отсто поголем кај изложената група, додека проблемите со расположението и интелектуалните попречености биле 40 отсто повисоки.
Најновото истражување од Данска сугерира дека лековите би можеле да му наштетат и на развојот на мозокот на бебињата. Истражувачите го разгледувале развојот на повеќе од 1 милион доенчиња родени помеѓу 1996 и 2016 година. Од 1,1 милион деца, повеќе од 300.000 биле изложени на глукокортикоиди во утробата. На некои од жените во студијата им биле дадени стероиди за да се спречи предвремено породување, додека на огромното мнозинство мајки им бил даден лек за лекување на автоимуни или воспалителни состојби
Истражувачите велат дека нивните податоци поддржуваат „постојана претпазливост“ при употребата на глукокортикоиди кај бремени жени.
Кај бремени жени со автоимуни или воспалителни нарушувања, тие наведуваат дека алтернативните лекови „можеби се побезбедни и потенцијално би можеле да ја намалат употребата на глукокортикоиди, но недостасуваат докази и потребни се повеќе истражувања“, пренесува „Дејли мејл“.
