Како и секоја болест, Ковид-19 остава трага на организмот и го исцрпува. За тоа постојат две главни причини. Недостаток на хранливи материи за време на болеста и вирусот, кој е огромен стрес за телото кое се бори со него. За „ПинкВила“, Шивани Кандвал, нутриционист, посочува неколку начини за враќање на силата по Ковид-19.
Важно е да бидете добро хидрирани бидејќи водата помага во подобра дистрибуција на хранливите материи во организмот. Покрај тоа, го стимулира потењето и мокрењето, преку што телото ги исфрла токсините
Калории
Јаглехидратите се гориво за нашето тело и после коронавирус треба да бидеме внимателни да внесуваме доволно калорична храна за да имаме доволно енергија. Во исхраната вклучете намирници како сладок компир, житарки со цело зрно, леќа и здрави масти. Јаглехидратите во овој случај се пријатели на организмот.
Протеини
Додека телото се бори против инфекцијата страдаат и мускулите, а протеините се нивна основна градежна единица. Затоа, по болеста, треба да се консумираат многу протеини за да се стимулира растот на мускулите. Намирници полни со протеини се јајца, пилешко месо, риба…
Омега 3
Омега 3 масните киселини помагаат да се намали воспалението во телото, а за време на инфекцијата со коронавирус, во телото се случува воспалителен процес. Додатоците на Омега 3 би било добро да се земаат два месеци по опоравувањето, а храна богата со овие масни киселини се чиа, лешници, лосос, масло од соја…
Работете на здравјето на дигестивниот систем
За време на инфекцијата, микробиомот во дигестивниот систем се менува што предизвикува дигестивни проблеми. Вклучете пробиотици и пребиотици во вашата исхрана.
Витамин Д
Витаминот Д е важен за повеќе од 800 процеси во телото, а на многу луѓе им недостасува. За да го надоместите секојдневно би требало да поминете 30 минути на сонце, ако сметате дека ова не е доволно, консултирајте се со вашиот лекар за додатоци.
Хидратација
Важно е да бидете добро хидрирани бидејќи водата помага во подобра дистрибуција на хранливите материи во организмот. Покрај тоа, го стимулира потењето и мокрењето, преку што телото ги исфрла токсините, пишува „ПинкВила“.
