♦♦♦♦♦♦♦
Недоволна физичка активност, часови и часови поминати пред компјутер или ТВ, неправилна диета – пекарници и киосци за брза храна, грицки и слатки, газирани сокови се главните виновници за вишокот на килограми кај децата.
Дебелината не е само естетски проблем, туку може да предизвика разни други болести како што се дијабетес, кардиоваскуларни заболувања.
Нутриционистката Марија Прчиќ вели дека правилната исхрана кај детето е важна уште од најраната возраст и дека првиот „критичен“ период е тргнувањето на децата на училиште, кога може да се изгубат здравите навики поради влијанието на врсниците.
Прчиќ нагласува дека е важно децата да не излегуваат од дома без појадок, а на училиште да носат ужина.
За ужина на училиште може да се направи сендвич од интегрален леб, суво месо, сирење или тоа да биде хумус или намаз кои мајките може сами да го направат.
Покрај правилната исхрана важна е и физичката активност, часовите по физичко на училиште се многу битни. За многу деца, тоа е единствената физичка активност во текот на денот
„Постојат повеќе опции. Родителите мора малку повеќе да се жртвуваат и да спремаат оброци кои децата ќе ги носат на училиште. Тоа е единствено решение за децата да не јадат од пекарниците“, вели нутриционистката.
„Едно од решенијата е и да се забрани во школото да има продажни објекти кои нудат грицки, крофни, печива од пекарница. Знам дека некои училишта не им дозволуваат на децата да излегуваат надвор од училишните дворови. Меѓутоа, во самото училиште или во училишниот двор постојат такви објекти“, додава Прчиќ.
На децата, како и на возрасните најмногу енергија им е потребна во првиот дел од денот. Докажано е дека учениците кога појадуваат имаат подобра концентрација на часовите.
„Лошо е за едно дете првиот оброк да биде сладок. Чипсот кога ќе се свари во основа е шеќер, без оглед на неговиот солен вкус. Слично е и со производите од пекарницата. Тоа влијае на хиперактивност кај децата – немаат добро внимание на час, немаат добра концентрација, објаснува нутриционистката за „Танјуг“.
Марија додава дека покрај правилната исхрана важна е и физичката активност и дека часовите по физичко на училиште се многу битни. За многу деца, тоа е единствената физичка активност во текот на денот.
Во развиените земји, како Норвешка и Шведска, забрането е носење на слатки на училиште бидејќи е докажано дека имаат лошо влијание врз здравјето на децата. Тие имаат само еден ден во неделата кога можат да донесат нешто слатко и да го поделат со другарите.
