Очите се најважното и незаменливото средство за разбирање на светот и затоа е важно уште од раното детство да се заштитат и да се најде проблемот доколку се појави.
Ако детето во првите 8-10 години од животот имало оштетување на видот кое не било навремено лекувано, може да развие амблиопатија („мрзливо око“). Оваа болест може да се коригира само во детството, а ако проблемот не се открие, последиците ќе останат доживотно.
Лошиот вид на детето може да предизвика и други тешкотии, почнувајќи од училишните обврски, а може да се појават и психолошки проблеми.
За да може да се реагира на време, важно е да се знаат кои се знаците на слаб вид кај детето. Воочете ги навреме и консултирајте се со специјалист што е можно поскоро. Еве на кои работи треба да обрнете внимание:
- Детето ја доближува тетратката до очите или приоѓа до телевизорот кога гледа цртани филмови.
- Кога ќе погледне во далечината, ќе забележите дека замижува.
- Се жали на непријатност и замор на очите. Детето брзо се заморува кога гледа нешто одблиску.
- Зениците изгледаат посветли или матни, а не црни.
- Детето често се жали на главоболка.
- Има навика често да трепка или да ги трие очите.
- Го покрива едното око.
- Ја наведнува главата на едната страна.
- Постојат отстапувања, поточно ќе забележите дека очите на детето не се движат синхронизирано.
- Детето често се сопнува, фаќа и превртува нешто, едноставно изгледа несмасно.
- Индиректни знаци на оштетување на видот: расеаност, каприциозност, потешкотии при помнење на прочитаното, лош училишен успех.
Доколку забележите каква било промена во видот на вашето дете, задолжително однесете го кај офталмолог, очен специјалист. По деталните прегледи, лекарот ќе знае како да реагира и што може да помогне да се подобри видот на вашето дете.
