Истражување што било спроведено на 125 деца, родени во термин, како и предвреме родени деца во Националната детска болница во Колумбија, Охајо, открило дека рани, нежни изливи на наклоност на родителите и негувателите имаат трајни ефекти на начинот на кој мозокот на бебето реагира на нежен допир. Тоа значи дека раното изложување на прегратки може да им помогне на предвремено родените бебиња да почувствуваат пријатна наклоност, истовремено поттикнувајќи позитивни реакции на мозокот.
Секој кој бил во родилиште во последнава деценија нималку не се сомнева во предноста на допирот гради на гради и контактот кожа на кожа, но нови информации докажуваат дека часовите поминати во галење на градите на мама или тато, може да влијаат на предвремено родените деца.
Истражувачите користеле ЕЕГ мрежа развлечена над главата на бебето, за мерење на мозочните реакции, пред да бидат отпуштени од болница. Бебињата кои се родени во термин доживеале посилен одговор на мозокот во однос на предвремено родените бебиња, кои морале да поднесуваат болни медицински процедури недолго по раѓањето и имале послаби реакции на мозокот.
Истражувачите биле изненадени кога откриле дека на перцепцијата на допирот може да влијаат раните медицински постапки (со оглед дека недоносените често примаат лекови против болки). Но, добра вест е дека прегратките може да помогнат во спречување и потиснување на негативните искуства.
Истражувањето покажало дека колку повеќе поддршка добивале предвремено родените бебиња од родителите, посилни биле нивните одговори на мозокот.
Според еден од авторите, д-р Наталија Маитре, истражувањето покажува дека контактот кожа на кожа е апсолутноо неопходен за бебињата кои поминуваат долго време во неонаталните оддели за интензивна нега. Кога бебето долго ќе остане на одделот за неонатологија, мама и тато не се секогаш достапни за гушкање.
“Кога родителите тоа не го можат, болниците гледаат да безбедат професионални и физикални терапевти кои би обезбедиле допири, кои понекогаш изостануваат во болничкото опкружување“, вели д-р Маитре.
Сознанието дека нежните прегратки може да помогнат во спречување на болката при убод со игла е само уште една причина родителите што е можно почесто го гушнат своето дете – не им е потребна друга причина.
Ние родителите често се чувствуваме како срцето да ни расте секој пат кога ќе ги гушнеме своите деца, но вистината е дека нивниот мозок расте уште побрзо од нашите допири.
