Експертите веруваат дека сè подоминантната варијанта на коронавирус има поинакви симптоми од другите видови.
Имунологот од Тринити колеџот, Лук О’Нил, истакна дека сојот BA.5, опишан како „брат“ на омикрон, станува доминантен ширум светот. Подваријантата е позаразна од претходните и подобро го избегнува имунитетот од вакцините и претходните инфекции.
Подваријантата BA.5 станува доминантна ширум светот. Таа е позаразна од претходните и подобро го избегнува имунитетот од вакцините и претходните инфекции
„Поголемиот дел од случаите во Ирска во моментов се BA.5, а исто е и во САД. Притоа, болеста е малку поинаква, бидејќи вирусот се промени. Мешавината на вашиот имунолошки систем и вирусот може да доведе до малку поинакви симптоми на болеста – што е чудно. Во прашање е ноќното потење“.
Сепак, професорот истакна и една важна работа.
„Ако сте вакцинирани, тоа не напредува во тешка форма на болеста.“
Што се однесува до вакцините, професорот О’Нил верува дека ќе има нови верзии за зимата.
„И Pfizer и Moderna рекоа дека ќе ја имаат омикрон вакцината до септември, а до октомври ќе имаат BA.4/5. Значи, кога ќе дојдеме до таа точка, ќе има смисла да ги користиме тие поновите. Но, дури и овие сегашните и понатаму обезбедуваат добра заштита. Не заборавајте дека оние со најтешка форма на болеста биле невакцинирани или не примиле бустер доза“, пренесува „Newstalk“.
