Откако омикрон варијантата на вирусот SARS-CoV-2 стана доминантен во пандемијата, бројот на заразени деца со КОВИД-19 нагло е зголемен секаде во светот. Кои симптоми ги предизвикува овој сој и како се лекува? Има ли причина за загриженост?
Симптоми кои кај децата се јавуваат од омикрон се слични на оние кои се јавуваат и кај останатите SARS-CoV-2 варијанти:
- Болно грло
- Замор
- Болки, вклучувајќи и главоболка
- Сувва кашлица
- Затнат нос
- Покачена телесна температура
- Повраќање и дијареа
Губењето на сетилото за мирис или за вкус, поретко се пријавува како вообичаен симптом.
Според зборовите на д-р Снежана Рсовац, пулмолог во Детската болница Тиршова во Белград, омикрон дава умерено блага слика кај децата, ретко кога тешка слика и поминува за пет до седум дена. Д-р Рсовац вели дека кај децата од предучилишна возраст и доенчињата се јавува температура, треска и симптоми на горниот респираторен систен, нос, ждрело, главоболки, конјуктивитиси, а долните дишни патишта, бронхитиси, бронхиолитиси, пневмонии се поретко застапени.
Кај повеќето деца симптомите поминуваат за 5 до 7 дена. Најчесто се препорачува внесување многу течности и витаминска суплементација во консултација со педиатар. Докторката советува мирување и намалување на телесната температура по потреба, нагласувајќи дека кај децата ретко доаѓа до компликации.
