Растењето со родители кои имаат навика да критикуваат може да остави долгорочни последици врз менталното здравје на човекот, објаснува психологот Сет Гилихан. Како што објаснува за Psychology Today, постојат неколку знаци кои откриваат дека личноста пораснала со родители кои премногу ја критикувале, врз основа на истражувањата и неговите набљудувања како психолог.
Според неговото досегашно искуство, родителите се склони да ги критикуваат своите деца бидејќи тие самите не сфаќаат колку тоа може да биде штетно за нив. Таквите деца, објаснува тој, се повеќе склони кон депресивни мисли, се затвораат во себе, често се несигурни и повлечени, а тоа има негативни последици за сите нивни подоцнежни односи со другите луѓе.
Но, како да препознаеме дека личноста пораснала со родители кои премногу го критикувале? Некои од главните знаци го вклучуваат следново:
- Недостаток на самодоверба и верба во сопствените способности
- Склоност кон перфекционизам
- Тешко прифаќање на грешките и одговорност за нив
- Неодлучност
- Постојана потреба за извинување
- Склоност кон депресија
- Неможност за прифаќање комплименти
- Потреба за постојано докажување.
Имено, луѓето кои пораснале со вакви родители често се чувствуваат како да не се доволно добри и успешни на кое било поле од животот, па затоа чувствуваат недоверба во способностите на луѓето околу нив. Најголемото влијание е видливо токму во партнерските односи во кои личноста не може емоционално да се отвори, но ниту да му верува на партнерот.
