Лутината е емоција. Додека некои многу добро ја контролираат, има и такви кои не можат. Кога станува збор за децата, лутината често се доживува како испад на бес и се казнува. Но, експертите сметаат дека ова не е добар начин да се пријде на ситуацијата.
Амбика Агарвал, сертифициран НЛП практичар, зборува за двете главни причини поради кои децата често се лутат.
Незадоволени потреби
Според експертот, незадоволените потреби се една од основните причини кои стојат зад детските проблеми со лутината. Незадоволени потреби се оние кои не се исполнети или се занемарени.
Недостаток на моќ
Уште една причина која кај децата може да предизвика лутина е недостатокот на моќ, што значи дека децата немаат право на глас или овластување над она што го сакаат. Ова може да биде особено вознемирувачко за децата затоа што сакаат многу нешта да изразат, но понекогаш не знаат со кои зборови тоа да го пренесат. И тогаш тоа го изразуваат во форма на лутина и/или бес.
Како да се поставите?
Агарвал, која и самата е мајка, препорачува да останете смирени и да не реагирате со ист тон како детето. Таа советува да не се реагира луто и да не се сфаќа лично однесувањето на детето.
Наместо тоа, таа ги советува родителите да ги препознаат предизвикувачите, да занемарат помалку негативно однесување, да им дадат на децата одредена моќ и избори и да ги научат децата на соодветно однесување кога се смирени.
