Американскиот центар за контрола и превенција на болести (ЦДЦ) ги објави резултатите од студијата која ги истражуваше несаканите ефекти по третата доза на вакцината против Ковид-19.
- Во истражувањето учествувале 306 луѓе кои примиле трета доза на вакцината Фајзер против Ковид-19, а несаканите ефекти по третата доза биле многу слични со оние по примањето на втората
Најчести несакани ефекти кај вакцинираните биле замор (56%), главоболка (43%) и болка во раката на местото на инјектирање (71%). Наведените симптоми обично траат еден или два дена. Како дополнителни вообичаени несакани ефекти биле наведени замор во мускулите или зглобовите и треска, според ЦДЦ.
Отечени лимфни јазли под пазувите биле почесто присутни по третата отколку по примарната серија од две дози. Други несакани ефекти вклучуваат болка, црвенило и оток на местото на инјектирање и болки во мускулите или зглобовите, велат од Американската агенција за храна и лекови (ФДА).
