Освен породилните болки, многу жени за маститисот велат дека е болка која тешко се опишува. А, овие маки често ги следат и бројни дилеми, особено околу доењето на бебето.
Дојката е тврда и напната, температурата ми е зголемена. Што да превземам?
Интензивно празнете ги дојките, со редовни подои. Ако во текот на наредните часови температурата се намали, значи дека во прашање бил застој на млекото или почетен маститис, така што проблемот е решен.
Дали смеам да продолжам да дојам ако имам зголемена телесна температура?
Најважно во текот на маститисот е да се продолжи со одење. Никој не може да ја испразни дојката како бебето. Некогаш млекото поради воспалителниот процес во дојката, може да го промени вкусот (станува посолено).
Кога треба да се јавам на лекар?
Ако и покрај редовното празнење, дојките се тврди и отечени, а кожата над промената е црвена или модра или високата температура трае, јавете се на лекар. Веројатно ви е потребен антибиотик, а некогаш е потребно и со помош на ултразвук да се провери да не се создава процес.
Дали смеам да дојам додека пијам антибиотици или земам лекови за зголемена температура?
Лекарот ќе ви препише антибиотик со кој може да продолжите со доењето, а една или две таблетки парацетамол или ибупрофен не може да му наштета на детето, а вам ќе ви биде подобро.
На ултразвук е потврдено дека имам апцес на дојката и советувана ми е дренажа. Дали тоа значи дека морам да прекинам да дојам?
Не значи! За време на лекувањето на маститисот, ќе продолжите да доите со здравата дојка. Прекинот на доењето на зафатената дојка ќе биде краткотраен, додека апцесот не се издренира.
Дали маститисот може повтопрно да се појави?
Маститисот може да се спречи ако ги следите советите за превенција: мора да сте упорни, опуштање нема додека трае лактацијата. Не ги потценувајте првите знаци на предупредување, реагирајте веднаш за проблемот да асе реши пред да се јават сериозни симптоми на инфекција и компликација.
