Маститис е воспаление на ткивото на дојките, а се карактеризира со појава на болни, врели отоци на градата. Ако имате маститис може да се јават жештини или студенило во телото.
Маститисот најчесто се јавува кај жените кои дојат (лактациски маститис), но во ретки случаи оваа состојба може да се појави и кај жени кои не дојат.
Во повеќето случаи, лактацискиот маститис се јавува во првите три месеци по породувањето (постпартум), но може да се појави и подоцна во текот на периодот на доење. Поради оваа состојба, жената се чувствува исцрпено и и е отежната грижата за детето.
Понекогаш поради маститис, мајките прерано престануваат со доење. Но, со доење може да се продолжи и ако жената има маститис.
Лекувањето на маститисот вклучува консумирање на обилни количини течности и антибиотици насочени против Staphylococcus aureusa, која е најчест причинител на состојбата.
