Прва работа која секоја жена ја сака, по радосната вест дека ќе стане мајка, е нејзиното бебе да биде здраво. Но, многу нешта зависат од нив, затоа во бременоста е важно да се придржуваат до некои правила, а лекарите издвоиле неколку најважни.
Откажете се од идејата дека треба да јадете за двајца
Таложењето килограми во бременоста може да го забрза породувањето, предизвикува прееклампсија или влијае на тежината на бебето, а тоа според д-р Лаура Рајли е огромен здравствен ризик за бебето. Таа вели дека многу идни мајки во бременоста добиваат на тежина повеќе од препорачаното оти преценуваат колку калории им се потребни. Дополнителни 300 калории дневно е доволно за поттикнување на правилен развој на бебето.
Не земајте лекови на своја рака
Многу лекови кои пред бременоста најнормално се користеле без консултација на лекар, може да бидат опасни за време на бременоста. Од тие причини, штом жената дознае дека е бремена, веднаш треба да го информира лекарот за да знае кои лекови треба да ги препише или да даде замена за лековите кои дотогаш ги земала. Никогаш сами не го прекинувајте лекувањето, потеницраат лекарите.
Најдете соодветен педијатар за бебето пред крај на бременоста
Чести прегледи почнуваат многу брзо по раѓањето на бебето, затоа во третото тромесечје почнете да барате соодветен педијатар.
“Многу често ќе се гледате со педијатарот, затоа е важно тој да ви одговара и да ги исполнува вашите критериуми“, објаснува д-р Рајли.
Намалете го стресот
Стресот никогаш не е добар, но за време на бременоста мора да размислувате и за своето бебе, кое го препознава секое ваше расположение. Стресот во бременоста може да доведе до предвремено породувањеа подоцна кај децата да предизвика развојни пореметувања, како и пореметувања во учењето, тврди педијатарот Ален Левин.
