За разлика од претходните варијанти на коронавирусот, кои децата помалку или повеќе ги заобиколуваа, се чини дека делта сојо9т за нив претставува многу поголема опаност, а особено тоа се однесува на децата помали од 12 години кои не се вакцинирани. Според Американската академија за педијатрија, до почетокот на овој месец, околу 94 000 деца имале КОВИД-19.
“Оваа варијанта е многу заразна и затоа и почесто се забележува и кај децата“, вели д-р Пол Офит, директор на Центарот за вакцинација и педијатрија во Филаделфија.
Според пишување на Центарот за контрола и превенција на болести, овој сој на коронавирусот е многу позаразен и може да доведе до посериозни последици. Со оглед дека поголем процент од децата не се вакцинирани, тоа ги става во група која е почувствителна и која лесно може да се зарази.
Како изгледа инфекција со делта сојот кај децата и како да го заштитите семејството? Еве што велат стручњаците.
КОИ СЕ ГЛАВНИ СИМПТОМИ КАЈ ДЕЦАТА?
Се уште е многу рано да се каже дали се разликуваат од симптомите на претходните варијанти на вирусот, а стручњаците велат дека губењето на мирис и вкус е многу поретко кај инфекциите со овој сој на коронавирусот, но главоболка, болно грло, течење на нос и температура некои од главните симптоми.
“Малку е рано да се видат резултатите од висококвалитетните студии кои се однесуваат на моменталното зголемување на инфекција со делта сојот“, вели д-р Мајкл Гросо, шеф на педијатрија во болницата Нортвел.
Најчест симптом кај децата и младите е кашлицата, затнат нос и течење на нос, гастроентеролошки симптоми и осип што не се јавува толку често, додава тој.
Пред појавата на овој сој, повеќето деца кои имаа КОВИД немаа симптоми, а сега се чини дека се повеќе и повеќе се забележуваат.
“Која и да варијанта на вирусот е во прашање, родителите треба да бидат свесни и за останатите состојби што може да ги предизвикаат оваа болест кај децата“, додава Гросо, а една од сериозните болести е мултисистемскиот воспалителен синдром (MIS-C) кај децата и адолесцентите.
“Се работи за не толку честа, но сериозна компликација на оваа болест, а се забележува неколку недели по инфекцијата“, додава тој.
Ова се симптомите на мултисистемскиот воспалителен синдром
- Стомачна болка
- Крв во белоочницата
- Болка во градите
- Пролив
- Главоболка
- Замор
- Болка во вратот
- Осип
- Повраќање
КОГА ТРЕБА ДЕЦАТА ДА СЕ ТЕСТИРААТ НА КОВИД-19?
„Ако забележите дека имаат било какви респираторни симптоми, отидете на тестирање“, вели Офит. Децата кои имаат некој од горенаведените симптоми мора да бидат тестирани од педијатар. Ова особено се однесува за децата што се враќаат од одмор каде што биле во голема група.
Според д-р Офит, ако детето е позитивно, треба да биде изолирано додека симптомите не се повлечат. Тој додава дека дури и ако детето е позитивно, но нема потреба од медицинска нега, родителите мора да следат дали симптомите како што се дишењето, но и општата состојба се влошуваат. Исто така, добра идеја е да носите маски и да ја проветрувате просторијата во која престојувате.
