Без разлика на бројот на случаи и значително ублажените мерки, пандемијата сè уште не е завршена. Новите варијанти, особено омикронот, се многу заразни, па затоа треба да се биде внимателен, особено оние кои се најчувствителни.
Постојат некои симптоми кои се слични на обичната настинка и коронавирус, па затоа е важно да ги разликувате.
- Болки во грлото
Болката во грлото може да значи и настинка и грип, но може да значи и дека сте се заразиле со омикрон. И додека класичните симптоми на Ковид и понатаму се покачена температура, кашлица, губење на чувството за мирис и вкус, болката во грлото е еден од водечките симптоми на омикрон.
Веќе е познато дека омикрон и неговите подваријанти првенствено го напаѓаат горниот респираторен тракт, за разлика од делта која го напаѓа долниот дел, кој ги вклучува белите дробови. Тоа значи дека главните симптоми на омикрон се болки во грлото и течење на носот
- Течење на носот
Веќе е познато дека омикрон и неговите подваријанти првенствено го напаѓаат горниот респираторен тракт, за разлика од делта која го напаѓа долниот дел, кој ги вклучува белите дробови. Тоа значи дека главните симптоми на омикрон се болки во грлото и течење на носот.
- Главоболка
Главоболката може да биде предизвикана од повеќе фактори, но таа исто така може да биде симптом на инфекција со омикрон. Инаку, главоболката е исто така симптом кој се пријавува и во раната и во доцната фаза на инфекција.
- Замор
Чувството на малаксаност и замор е еден од почестите симптоми кои ги пријавуваат луѓето инфицирани со омикрон. Времетраењето на заморот зависи од сериозноста на инфекцијата. Во некои случаи, може да трае и подолго од две или три недели, што укажува на долг ковид.
- Кивање
Кивањето е еден од главните знаци на омикрон, но според ЦДЦ, ако кивањето е единствениот симптом што сте го забележале, не се работи за Ковид.
