Мајчиното млеко е исклучително важно за градење на имунитетот на бебето, и може да му помогне на бебето да се одбрани од коронавирусот
Дали се препорачува доењето во случај мајката да има коронавирус и кои се шансите вирусот да се пренесе на бебето преку мајчиното млеко, објаснува д-р Едиса Таковиќ-Падер, педијатар од САД.
Д-р Едиса Таковиќ-Падер завршила Медицинскиот факултет на Wayne State School of Medicine во Детроит. Специјализирала педијатрија на Children’s National Medical Center во Вашингтон и е член на Американската академија за педијатрија и Босанската академија на науките и уметностите.
„Светската здравствена организација препорачува прво да се искапат бебињата кои се родени од мајки позитивни на коронавирус, за да се отстрани вирусот што би можел да биде присутен на бебето. Исто така, според овие препораки, дозволено е бебето да да биде во иста просторија со мајката по раѓањето, но ако е можно, да биде на растојание од два метра“, вели д-р Таковиќ-Падер. Таа напоменува дека кога станува збор за доење, дозволено е мајката која има Ковид-19, а се чувствува доволно добро, да го дои своето бебе.
„Мајката мора да ги измие рацете пред доењето и да носи маска додека дои. Ако мајката не се чувствува добро, може да го испумпа своето млеко и да му даде на некој друг да го нахрани бебето преку шише. Истражувањата покажаа дека ризикот од пренесување на коронавирус преку доење и мајчино млеко е многу мал. Важно е да се нагласи дека мајчиното млеко е исклучително важно за градење на имунитетот на бебето, и може да му помогне на бебето да се одбрани од коронавирусот“, објаснува д-р Таковиќ-Падер, пренесува „Н1“.
