Родителството бара целоживотно учење. А, овие совети смета д-р Тифани Ото Кнајп се најважни во воспитувањето и растењето на децата.
- Важно е да се биде присутен
Паметни телефон, ајпади, лаптопи – тие се секаде околу нас. Може да го подобрат животот, олеснувајќи и овозможувајќи работа од дома, но тие уреди исто така може да го намалат квалитетот на живот и да ја намалат намерата меѓусебно да се поврземе. Мора да се прекине технолошката врска. Заборавете ја неа и бидете присутни во животот на детето. Обидете се!
- Секое дете е поинакво
Вашето дете ќе ја преспие цела ноќ и ќе јаде цврста храна и ќе прооди и ќе престане да го цица палецот. Развојот на децата е процес, затоа прифатете го и однесувајте се во склад со тоа. Обидете се да не го споредувате развојот на вашето дете со децата на пријателите или останатите деца. Секое дете е единствено на свој начин и ќе следи сопствен единствен пат за физички и психички развој.
- Понекогаш трпението е најдобриот лек
Било да се работи за инфекција на увото, вироза или учење да оди – понекогаш морате само да почекате. Можете да пронајдете начини како детето да се чувствува поудобно, но не постои секогаш лек кој може да го поправи она што е скршено или да го забрза она што е бавно. Човечкото тело е неверојатен апарат, а децата се отпорни. Понекогаш на лекарски рецепт треба да биде препишано само малку трпение.
- Добрите навики почнуваат рано
Од добар сон и здрава исхрана, манири и вредности, постави ги темелите што е можно порано и надоградувајте ги со време. Децата го моделираат однесувањето на возрасните. Однесувај се кон партнерот со почит, а твоите деца природно ќе научат тебе, своите пријатели и останатите да ги третираат на ист начин. Изразете го вашето задоволство и заблагодарете се, па и вашите деца тој вокабулар ќе го научат од вас на ист начин како што ќе ги научат зборовите мама, тато, автомобил, куќа.
- Уживајте во моментите
Особено малите. Дури и оние срамните. Овие моменти се прекрасни и уникатни. Секако дека сте пресреќни кога ќе го слушнете првиот збор или кога ќе го видите неговиот прв чекор, но честопати малите моменти се оние кои најмногу го стегаат срцето кога ќе се сетите на нив.
Некои од нив се можеби кога ќе ја слушнете неговата смеа, а тоа не ве гледа, дека го гледате. Или додека му читате книга, а тоа ќе заспие. Малите моменти го обојуваат животот со среќни бои. Не ги земајте здраво за готово.
- Бидете флексибилни, но држете се до компромис
Некои правила мора да бидат црно -бели. Не отворај врата на странци, не влегувај во туѓ автомобил, не допирај жешка рерна.
Но, поставете граници. Направете и дел од просторот што е сив. Било да е половина час подолго гледање телевизија или легнување подоцна. Изберете битки и бидете подготвени на компромис.
Бидете креативни
Размислувањето надвор од рамката на родителството е неопходно. Има моменти кога планирањето е добро, но и периоди кога е важно да се импровизира.
Направете сами своја семејна култура и свои правила. Уживајте во измислување нови игри, нови приказни и занимации со децата. Никогаш не престанувајте да создавате свои, нови работи и бидете креативни!
- Побарајте помош кога ви е потребна
Ако немате семејство во близина што може да ви помогне, прашајте ги пријателите, соседите, колегите или вашиот лекар. Воспитувањето на дете не е лесно, никој не го прави тоа сам и на сите им е потребна помош и поддршка.
- Направете грешки
Тоа е единствениот начин да научите нешто, дури и родителство. Само немојте да ги повторувате и не давете се во вина за каква било грешка. Научете нешто од неа, а потоа продолжете и направете го тоа подобро следниот пат. Запомнете, децата се отпорни, и физички и психолошки.
- Забавувајте се и пијте многу кафе
Да се биде мајка е најтешката забава што некогаш ќе ја имате Но, сепак е забавно. Само пиј кафе.
