Дијабетесот или шеќерната болест се нарекува глобална епидемија бидејќи бројот на заболени лица во светот расте до нивоа кои беа незамисливи пред само неколку децении. Постојат повеќе причини за оваа појава, а најзначајна е промената на начинот на живеење, која се карактеризира со поголем внес на висококалорична храна и намалена физичка активност, велат лекарите.
Иако од дијабетес почесто заболуваат возрасните лица, болеста може да се појави и кај децата, а неговите симптоми често се суптилни, што дополнително ја отежнува дијагнозата. Како што објаснуваат педијатрите, една необична појава често може да биде знак за дијабетес кај детето, а се работи за зачестено расипување на забите, односно појава на кариес.
Имено, дијабетесот може да предизвика децата да произведуваат помала количина на плунка во устата, што може да ги зголеми нивните шанси да добијат кариес. Истражувањата покажуваат дека децата со дијабетес имаат и поголем ризик од развој на соор или кандидијаза, габична инфекција која најчесто се појавува како бели или црвени дамки во устата.
