Во оваа бурна фаза од адолесценција, децата поминуваат низ физички и психолошки промени. Тие се многу љубопитни и сакаат да истражуваат и да пробаат сè. Затоа, важно е родителите да воспостават отворена комуникација во овој период. Ова се пет клучни теми за кои сите родители треба да разговараат со своите деца.
- Нивните цели
Родителите треба да иницираат дискусија за интересите и потенцијалните кариери на нивните тинејџери. Важно е разговорот да биде отворен и да се фокусира на нивните аспирации, а не на очекувањата на нивните родители.
- Романтични односи и врски
Треба да ги предупредиме за сложеноста на романтичните односи, нагласувајќи ги аспектите како почит и слично. Клучно е да се создаде безбеден простор за разговор за децата полесно да се доверат или да побараат совет. Исто така, важно е да ги предупредите за токсичните врски.
- Притисокот од врсниците
Важно е да ги научите децата како да се залагаат за себе. Треба да им ја зајакнеме самодовербата за да не се плашат да кажат „не“. Ова ќе ги подготви ефикасно да се справат со притисокот од врсниците, пишува TheHealthSite.
- Ментално здравје
Безбедна средина е од суштинско значење за отворени разговори. Тинејџерите треба да се чувствуваат удобно да зборуваат за анксиозност, стрес или депресија. Ако разговорите за менталното здравје се нормализираат, на децата ќе им биде полесно да се отворат или да побараат помош.
- Биолошки промени и сексуално здравје
Родителите треба да овозможат отворени дискусии за пубертетот, сликата за телото и сексуалното здравје. Иако на некои таквите разговори им се непријатни , важно е децата да бидат информирани.
