Голем број трудници во земјава, но и во светот, се пораѓаат со царски рез.Иако бројката е голема, и натаму постојат погрешни уверувања за овој начин на раѓање на детето.
- Царскиот рез не е породување
Веднаш да се разјасни, ова никако не е точно. Детето се родило од вашето тело и тоа е породување. Да, постои разлика помеѓу вагиналното и породувањето со царски рез, но колку мајката се грижи околу бременоста, негата на своето дете и колку е посветена, е апсолутно исто.
Покрај ова, многу жени коисе породуваат со царски рез, минуваат и низ делумно природно породување, бидејќи операцијата може да биде итна интеревенција по појава на некои проблеми. Многу жени минале и низ болни котракции, па дури потоа завршиле на царски рез.
- Не можете да доите по царскиот рез
Иако на почетокот тоа навистина може да биде предизвик, апсолутно може да доите по царскиот рез. Лековите кои ги добива мајката се безбедни за доилки, а со мала помо ќе ја најдете положбата која ви е најудобна за доење.
- Нема вагинално крварење по царскиот рез
Крварењето по породувањето се јавува бидејќи матката се опоравува од сепарација на плацентата и оти полека се враќа во големината во која била пред породувањето, и испушта одредена количина на крв. Тоа се случува без разлика на начинот на породување.
- После едно, секое следно породување мора да биде со царски рез
Кај многу жени кои еднаш родиле со царски рез, апсолутно е можно вагинално породување во наредната бременост. Тоа обично зависи од причината зошто жената морала на царски рез. Стручњаците истакнуваат дека дури 60-80 проценти од жените по царски рез, може да имаат природно, вагинално породување.
- Ќе лежите со денови по операцијата
Токму спротивно. По царскиот рез, од клучна важност е да станете и да шетате, за да се покрене телото и така да се спречат компликации.
