Планирањето мајчинство бара психички, но и физички подготовки за промените кои следат. Ако размислувате за бременост, веројатно и самите сте свесни дека вашето тело ќе доживее неверојатна трансформација, но и дека во наредните месеци ќе биде дом на детето кое расте во вас. Токму затоа, треба да размислите за овие пет животни навики кои можеби треба да ги промените.
Внесување витамини
Ретки се оние кои и пред бременоста се грижат за потенцијални испразнетите резерви на витамини во своето тело. Но, сега е идеално време секојдневното внесување на витамини да ви стане ритуал. Имено, пренаталните витамини треба да почнете да ги земате и пред бременоста. Тие ги содржат препорачаните дневни витамини и минерали кои ќе ви бидат потребни пред и за време на бременоста. Но, треба да се консултирате со својот лекар кој ќе направи проверка дали ви недостасуваат уште некои витамини, освен пренаталните.
Регулирање на телесната тежина
Секако, ова не важи за сите и не значи без контрола да тргнете да барате различни диети на интернет. Сепак, прекумерната телесна тежина за време на бременоста може да доведе до сериозни здравствени проблеми, како гестациски дијабетес или прееклампсија (пореметување на крвниот притисок).
Разновидна исхрана
Ова можеби и не треба посебно да се нагласува, бидејќи станува збор за нешто кое треба да биде нормално за сите. Сепак, јасно е дека динамичниот животен стил се гледа и на чинијата, па оброците неретко се сведуваат на брза и готова храна. Планирањето на бременоста е идеално време за менување на овие лоши навики и стекнување на добри. Јадете здраво: овошје и зеленчук. Намалете го внесот на црвено месо, исфрлете ги мастите и јаглехидратите, како што се крофни, разни пецива и пржена храна. Наместо сончогледово масло, во исхраната воведете маслиново, внесувајте доволно јаткасти плодови кои изобилуваат со здрави масти.
Вежбање
Секако, ако досега активно не сте се занимавале со спорт, сега баш и не е вистинското време за почнување. Но, ако токму тоа го сакате, добар избор би била јогата со која може да продолжите и за време на бременоста. Трчање, бокс и слични спортови може да почекаат уште некое време. Но, истражувањата покажале дека умерената физичка активност, дури и ги зголемува шансите за зачнување. Затоа, ако и досега сте биле активни со некој спорт, не мора веднаш да се откажете од него, туку прилагодете го на новонастанатата ситуација. Преинтензивното вежбање може да ја загрози бременоста во раните фази.
Систематски преглед
Бидејќи бебето е најзагрозено во текот на првите недели од бременоста, што е многу чест период, додека и не знаете дека сте бремени, не е лоша идеја повремено да си ја проверите општата здравствена состојба. На тој начин, ќе проверите дали треба да примате некаква терапија, да направите одреден преглед или нешто друго што не е препорачливо откако ќе забремените.
