Благодатите од пливањето се многубројни, особено кај децата. Не е потребно детето да се поттикнува на богата пливачка кариера кога ќе покаже интерес за пливање, нека тоа го прави исклучиво од забава, а со самото тоа прави и одлична работа за своето здравје.
Кога да се почне?
Повеќето стручњаци сметаат дека возраста од две до три години е идеална детето да почне да учи да плива, иако во некои земји постои можност детето да почне да плива уште пред првиот роденден. Бебињата во вода се чувствуваат сигурно ии токму поради тоа повеќето од нив обожаваат да се капат.
Кои се придобивките?
- Ја подобрува работата на локомоторниот апарат
- Стимулира правилна работа на кардиоваскуларниот систем
- Ја активира и зацврстува целосната мускулатура
- Овозможува правилен психомоторен развој
- Ја подобрува координацијата на движењата
- Буди радост и љубов кон водата
- Спречува појава на деформитети на ’рбетниот столб
- Овозможува совладување на пливачките техники (краул, грбно, пеперутка и градно).
- Преку пливањето децата се социјализираат и дружат
- Штом научат да пливаат, децата имаат самодоверба, тие се дури способни да спасат друг човечки живот, во вода
