♦♦♦♦♦♦♦
Експерименталната вакцина против коронавирус на компанијата „Pfizer“ сега се тестира на досега најмладата возрасна група – деца од 12 години
Преминувањето на помлади деца беше одобрено од страна на Агенцијата за храна и лекови на САД (ФДА) и институционалните одбори за прегледи во почетокот на овој месец, но „Pfizer“ ја подели групата деца на постари тинејџери на возраст од 16 и 17 години и помлади од 12 до 15 години.
Тимот од Детската болница во Синсинати минатата недела ја заврши вакцинацијата на 100 деца во помладата возрасна група, истакна д-р Роберт Франк, кој во болницата го води испитувањето на вакцината.
Меѓу несаканите ефекти на кои лекарите внимаваат се грутки, црвенило или болка на местото на боцкањето, како и треска
Половина од волонтерите во третата и последната фаза од испитувањето на вакцината добиле плацебо или лажна инјекција. „Сега правиме пауза за да ги набљудуваме реакциите на вакцината. Во моментов сме на планирана пауза за да се осигураме дека сè е во ред“, изјавил д-р Френк за Си-Ен-Ен.
Тимот од Детската болница во Синсинати минатата недела ја заврши вакцинацијата на 100 деца во помладата возрасна група, истакна д-р Роберт Франк, кој во болницата го води испитувањето на вакцината
Меѓу несаканите ефекти на кои лекарите внимаваат се грутки, црвенило или болка на местото на боцкањето, како и треска.
Д-р Френк објаснува дека луѓето можеби се нервозни поради давањето на експерименталната вакцина на децата, но тој исто така истакнува дека вакцината на „Pfizer“ е веќе тестирана на десетици илјади возрасни.
„Причината поради која можеме да ја користиме оваа вакцина кај децата е што „Pfizer“ има запишано 30.000 возрасни лица и ги има безбедносните податоци на сите тие луѓе“, рече лекарот.
Покрај тоа, тој додава дека е од голема важност да се вакцинираат децата против коронавирус, ако постои каква било надеж за контрола на пандемијата.
Децата речиси сигурно придонесуваат за тивко ширење на вирусот.
„Мислам дека најважната работа што луѓето треба да ја запомнат е дека иако адолесцентите не се разболуваат како постарите луѓе, тоа не значи дека некои деца не заболуваат или не умираат“, рече д-р Френк.
Колку и да е мала стапката на смртност кај децата, не треба да се ризикува.
