Веројатно и сами сте забележале дека детето кога ќе му го сервирате неговото омилено јадење, веднаш ја јаде првата чинија и бара “репете“. Ако сакате да го научите да јаде се, од разновиден зеленчук до слатки, и да за ручек или вечера внесе во организмот хранливи намирници кои му се неопходни за правилен развој, научете да ја одредувате големината на неговите порции.
Во чинијата на детето ставете по една рамна лажица за секоја година што тоа ја наполнило, од секоја подготвена намирница (пире, варен зеленчук, салата), како и парче месо со средна големина. Правилото од една лажица по година, важи и ако детето за појадок јаде житарки.
- Ако служите супа, некое чорбесто јадење или ориз, слободно на детето ставете му дупла порција.
- Кога на менито воведувате нова намирница која детето никогаш не ја пробал, прво понудете му да ја проба и не инсистирајте веднаш се да изеде. За неколку дена повторно обидете се да го убедите се да изеде.
- Ако детето изело се што сте му ставиле во чинијата и побара уште, доставете му само уште половина порција.
- Кога се во прашање напитоци со ручек или вечера, на дете до 6 години не му давајте повеќе од 1,5 до 2 литри сок или млеко во текот на денот.
- Колачи или десерт не служете непосредно по ручекот, туку еден до два часа подоцна, наместо ужина. Но, не повеќе од едно парче.
- Ако детето јаде пудинг, никако не му сервирајте повеќе од една до две лажици за секоја година што ја наполнило.
- За појадок, дете до пет години треба да изеде половина, максимум до едно парче леб, премачкано со тенок слој путер или павлака.
