Вакцината на „Џонсон и Џонсон“, која се дава во една доза е четвртата вакцина одобрена во Европската унија за борба против пандемијата на коронавирус.
Вакцината е една и од трите одобрени за употреба во САД. Нејзината дистрибуција во Америка започна минатата недела кога беа доставени скоро четири милиони дози во федералните држави, аптеките и здравствените домови.
Безбедност и ефикасност
Најважниот податок за безбедноста е „нула“ – толку луѓе починале од КОВИД-19 откако биле вакцинирани со оваа вакцина во рамки на големото клиничко испитување спроведено низ целиот свет на околу 40.000 луѓе. Испитаниците од контролната, невакцинирана група не биле толку среќни, седум од нив починале.
Севкупно, вакцината, откако поминале 28 дена од вакцинирањето, спречила развој на умерен до тежок облик на Ковид-19 кај 66,1 процент од случаите. Кога ќе се земе предвид само тешката форма на Ковид-19, ефикасноста на вакцината била уште поголема и изнесувала 85,4 проценти.
Вакцината на „Џонсон и Џонсон“ има важна логистичка предност. Пред се, доволна е само една доза и може да се чува долго време во обични фрижидери наместо во замрзнувачи, што е особено важно за земјите кои не можат да обезбедат такви услови
Она што е впечатливо е дека вакцината имала добри резултати во заштитата од тежок облик на Ковид-19 во Јужна Африка и Бразил каде доминираат новите мутации на коронавирус, кои се позаразни и кои превладувале во овие земји за време на клиничкото испитување на вакцината „Џонсон и Џонсон“.
Во поглед на безбедноста на вакцината, анализата на несаканите ефекти кај 44.000 луѓе покажала дека генерално добро се поднесува, а вообичаени несакани ефекти биле болка на местото на убодот, главоболка, слабост и болки во мускулите.
Забележана е само една тешка алергиска реакција, па може да се каже дека несаканите ефекти на оваа вакцина се слични на несаканите ефекти на другите вакцини одобрени досега во Европската унија.
Според документацијата на Администрацијата за храна и лекови на САД (ФДА), која претходно ја одобри употребата на оваа вакцина, по вакцинацијата се забележани и неколку случаи на осип. ФДА исто така нареди и долгорочно следење на вакцината за да се види дали е поврзана со мал број на случаи на потенцијално опасна појава на тромби и ѕвонење во ушите.
Освен што го стимулира развојот на антитела, вакцината стимулира и производство на имунолошки Т-клетки кои ги убиваат заразените клетки и помагаат при создавање антитела
Каква е оваа вакцина во споредба со другите одобрени вакцини?
Вакцините на Фајзер и Модерна, кои се темелат на гласничка РНК имаат околу 95% ефикасност против сите форми на Ковид-19, но се уште е тешко да се споредат.
Тоа е затоа што клиничките испитувања на овие вакцини биле спроведени пред појавата на новите позаразни варијанти, од кои некои поуспешно ги „заобиколуваат“ сегашните вакцини. Веројатно, РНК вакцините и понатаму имаат блага предност, но вакцината на „Џонсон и Џонсон“ има важна логистичка предност.
Пред се, доволна е само една доза и може да се чува долго време во обични фрижидери наместо во замрзнувачи, што е особено важно за земјите кои не можат да обезбедат такви услови.
Иако е пријавен еден случај на анафилактична реакција, се смета дека оваа вакцина може поретко да предизвика такви реакции поради начинот на кој е создадена.
Која технологија е користена за создавање на вакцината?
Вакцината на „Џонсон и Џонсон“ користи аденовирус, обична настинка, кој е генетски модифициран да не може да се размножува и да носи ген за клучниот дел на коронавирусот, шилестиот протеин.
Вакцината носи „упатство“ за производство на овој протеин во човечките клетки и после тоа нашиот имунолошки систем произведува антитела против него и со тоа го спречува продирањето на коронавирусот во клетките.
Освен што го стимулира развојот на антитела, вакцината стимулира и производство на имунолошки Т-клетки кои ги убиваат заразените клетки и помагаат при создавање антитела.
Забележана е само една тешка алергиска реакција, па може да се каже дека несаканите ефекти на оваа вакцина се слични на несаканите ефекти на другите вакцини одобрени досега во Европската унија
Вакцината на „Џонсон и Џонсон“ е позната како „аденовирусна векторска вакцина“, а компанијата претходно со истата технологија ја произведе вакцината против ебола одобрена во Европската унија.
И вакцините на АстраЗенека и Спутник V се исто така аденовирусни векторски вакцини. Сите три вакцини користат ДНК молекули за пренос на генетски упатства за разлика од РНК што ги користат вакцините на Фајзер и Модерна.
ДНК е поотпорна, што овозможува ваквите вакцини да се чуваат на повисоки температури.
Наскоро клинички испитувања на вакцината кај деца и бремени жени
„Џонсон и Џонсон“ наскоро ќе спроведе клинички испитувања на својата вакцина кај деца и бремени жени, а во моментов испитува и колку втората доза од вакцината би предизвикала подобар имунолошки одговор.
Некои научници се грижат дека имунолошкиот систем би можел да ги препознае и нападне аденовирусите што претходно ги „сретнал“ што би довело до помалку ефикасна втора доза. Ова може да биде важно во развојот на вакцини за новите варијанти, бидејќи ќе треба да се пронајдат нови вектори за аденовирусни вакцини, пишува „Дневник.хр“.
