Сигурно некогаш сте слушнале дека некој едноставно „прегорел“ на работа, но никој не спомнува што да се направи кога тоа ќе му се случи на родител? За почеток, многу е важно да се препознае проблемот. Само тогаш можеме да почнеме да работиме на негово решавање. Еве ги знаците дека вашите батерии, физички, така и емоционални, се сериозно испразнети:
Физичка и емоционална исцрпеност
Родителите дошле до границата кога едноставно мислат дека не можат повеќе, како пред нив да има ѕид кој едноставно не можат да го прескокнат и не можат да се носат со секојдневните предизвици на родителството. Многу родители оваа состојба ја опишуваат со постојан физички замор во комбинација со изразена нервоза.
Емоционално дистанцирање од децата
Родителите често ја опишуваат оваа состојба како преживување од ден на ден без прекумерни емоции кон своите најблиски. На долг рок, тоа може да ве оддалечи од вашите деца, да го отежне уживањето во убавите моменти, но и да ве спречи да покажете љубов и наклонетост кон вашите најблиски.
Чувството дека не сум способен родител
Прегорувањето кај родителите често доведува до чувство дека повеќе не сте способни да бидете добар родител.
Физички симптоми
Овој долготраен замор и летаргија може да доведе и до физички симптоми, како што се чести главоболки, замор, болки во вратот, зуење во ушите и блага вртоглавица. Физичката исцрпеност во комбинација со високи нивоа на стрес и анксиозност го нарушува вашиот имунитет и ве прави поподложни на многу болести.
Чувство на вина и осаменост
Песимизмот кој ја презема контролата врз вашиот живот води до повлекување во себе, избегнување на дружења поради страв од осуда и неразбирање.
