Медицинскиот факултет на Универизтетот во Варвик спровел истражување кое докажало дека жените кои пателе од депресија за време на бременоста, многу повеќе седеле за време на второто тромесечје и така го довеле своето здравје во опасност. Од претходно е познато дека лудувањето на хормоните во бременоста може да доведе до појава на депресија, но тоа никогаш претходно не се поврзувало со количината на телесна активност.
Тука не станува збор за мрзливост, бидејќи сите повремено сме расположени за излежување и одморање, но целосниот седечки начин на живот секако е крајност која по секоја цена треба да се избегнува. Често бремените жени се приморани да работат седечки тип на работа, но стручњаците порачуваат дека само мали промени во животните навики можат да направат забележлива разлика. Поттикнте се велат лекарите, на секој час на кратка прошетка од 5 минути за да се растегнете и да ја поттикнете циркулацијата.
Освен вишок килограми и депресија, седењето во бременоста доведува и до проширени вени и создавање на згрутчувања.
Д-р Тања Соренсен смета дека физичката активност е клучна за здравјето на бремените жени. При тоа, секако се мисли на здравјето на трудници со уредна бременост, а не на оние кои мораат да мируваат поради своето и здравјето на бебето. Занимавањето со физичка активност директно го намалува ризикот од гестацискии дијабетес и хипертензија, односно зголемен крвен притисок во бременоста. Таа смета дека секоја активност е добра, без разлика дали станува збор за лесно пешачење, пливање или трчање.
