“Кога проценувам нов клиент поради анксиозност, секогаш започнувам со прашање до родителите на детето за навиките на спиење. Без грешка, речено ми е дека спиењето не е проблем. Нема детето ноќни кошмари, нема проблеми со успивање, нема проблем со спиењето, освен повремено одбивање да се легне или барање уште 10 минути. Спиењето ретко кога се препознава како проблем“, вели Кејти Харли, психотерапевт за деца и адолесценти.
Се додека родителите не ја напуштат собата. Тогаш децата од сите возрасни групи зборуваат за спиењето и за сонот: “Обично ми треба еден час да заспијам. Често се будам. Ми треба светлина, но моите родители не ми даваат, па чекам да заспијат за да запалам светло. Имам многу кошмари. Се грижам навечер“.
Пореметувањето на спиењето е често меѓу децата кои имаат анксионзост, депресија и други дијагнози. Децата денес се проптоварени, под стрес и спијат помалку од што треба. Тие, всушност се ненаспиени.
Обезбедувањето доволно време за сон е еден од најдобрите начини за промовирање на здрав начин на живот кај детето, сметаат педијатрите.
Новите насоки за спиење кои ги развила Академијата за медицина на спиењето на САД, ги поддржува и Американската академија за педијатрија и се однесуваат и на тинејџерите и на помалите деца.
ЕВЕ КОЛКУ СОН МУ ТРЕБА НА ВАШЕТО ДЕТЕ СПОРЕД ВОЗРАСТА:
- ДОЕНЧИЊА (4 до 12 месеци): 12-16 часа сон, вклучувајќи го и дремењето.
- ДЕТЕ (1-2 години): 11-14 часа, вклучувајќи и дремење.
- ПОГОЛЕМО ДЕТЕ ( 3-5 години): 10-13 часа сон, пресметано и дремењето.
- УЧИЛИШНА ВОЗРАСТ (6 до 12 години): 9-12 часа сон.
- ТИНЕЈЏЕРИ (13-18 години): 8-12 часа сон.
Лекарите потенцираат дека изгубениот сон и кај децата не може да се надомести кога е викенд или кога тие се на одмор. Доследноста е неопходна.
Што се случува кога децата не спијат?
Децата кои недоволно спијат се изложени на ризик поради голем број физички и емоционални проблеми:
- Чести повреди
- Невнимание
- Промена на расположението
- Обезност (дебелина)
- Дијабетес
- Хипертензија
- Депресија
- Анксиозност
- Суицидални мисли
