Децата го гледаат светот поинаку од нас. Нешто што можеби нам ни изгледа тривијално е „голема работа“ во нивните мали умови. Како што растат, тие учат да управуваат со своите емоции на социјално поприфатлив начин, но во моментов плачењето е единствената опција што ја имаат кога се тажни или лути. И тоа е сосема „примерно“ за нивното развојно ниво. Затоа, следниот пат кога вашето дете ќе се бори со негативни емоции, наместо веднаш да скокнете врз него и да му кажете „Престани да плачеш!“, подгответе една од позитивните фрази наведени подолу. Тие се полни со емпатија и разбирање. И не заборавајте: чувствата не се нешто што треба да се избегнува, тие се можност за поврзување!
- Во ред е да плачеш!
Родителите понекогаш мислат добро кога ќе му кажат на своето дете: „Престани да плачеш, добро си“. Работата е што детето во моментот не се чувствува добро. Иако се обидувате да го смирите со овие зборови, на детето може да му се чини дека ги намалувате неговите чувства. Едноставно прегрнете го и кажете: „Во ред е да плачеш“. На крајот на краиштата, тоа може да биде подобра опција.
- Разбирам дека сте вознемирени поради …
Вашето дете сака чоколадо во продавница, а вие велите „не“ на што тоа почнува да плаче. Не мора да го игнорирате или да му го дадете тоа чоколадо. Едноставно кажете му: „Разбирам дека си вознемирен поради чоколадото. Знам дека навистина го сакаш, но тоа не е здрав избор, а јас сакам да бидео здрав“. Покажете им дека го разбирате нивното гледиште и чувства, но не попуштајте во вашата одлука.
- Ти си лут, но јас сум тука за тебе
Понекогаш децата имаат навистина тежок ден и тешко е да се биде сигурен што го предизвикало плачењето. Во овој случај, најдобро е само да бидете тука за нив, да бидете нивна поддршка. Бидете блиски, прегрнете ги и почекајте да помине бурата.
- Знам дека си уморен, жал ми е
Може да се надоврзете со некои позитивни реченици, како „Многу долго бевме надвор, наскоро ќе си одиме дома, па ќе се одмориш“. Понекогаш децата ‘паѓаат’ од исцрпеност! Дајте им до знаење дека разбирате колку се уморни и дека ќе ги оставите да се одморат што е можно поскоро.
- Тоа беше навистина страшно!
Плачењето кај малите деца понекогаш е реакција на нешто што ги плаши. И овој пат треба да покажете разбирање за нивните чувства и да им дадете до знаење дека сте тука за нив, дека тие можат да се чувствуваат безбедно со вас.
- Ќе ти помогнам со ова
Кога сте мали, работите не одат секогаш според планираното, што доведува до многу фрустрации и, како резултат на тоа, многу плачење. Ако видите дека вашето дете се мачи да заврши некоја задача и станува сè пофрустрирано, можете да му понудите помош. Кога ќе го завршат она на што се заглавени, солзите обично престануваат сами од себе.
- Знам дека не изгледа фер
Децата не смеат да ги прават правилата. Тие исто така немаат многу контрола врз тоа како им поминува денот. Ова може да им изгледа неправедно. Но, единственото нешто што можете да направите во таков случај е да сочувствувате со нив.
- Кажи ми се за тоа, слушам
Ако вашето дете плаче поради некоја ситуација, нека ви каже за тоа. Ова ќе му помогне да ги доживее своите емоции додека знае дека сте таму за да го поддржите.
