Ноќното будење кај децата не мора секогаш да значи кошмари или лоши соништа. Често, причините се посложени и поврзани со нивниот емотивен, физички или прехранбен ритам.
Емоционални и ментални причини
Малите деца доживуваат многу нови нешта во текот на денот – игри, нови луѓе, звуци, ситуации. Ако немаат можност да го „смират“ својот ум пред спиење, тие искуства можат да се прелеат во ноќта и да предизвикаат будење.
Рутината пред спиење е клучна. Претворете го времето за пижами и миење заби во момент за разговор – прашајте што им се случило, што ги израдувало, што ги збунило. Тоа ќе им помогне полесно да заспијат и да спијат поспокојно.
Физичка активност
Децата имаат потреба од движење. Ако поминат премногу време седејќи (на пример, во автомобил, на екран или во градинка), нивното тело ќе бара начин да ја потроши таа енергија – дури и ноќе.
Потрудете се да имаат доволно физичка активност во текот на денот, особено во попладневните часови, за да се „изморат“ на природен начин пред спиење.
Исхрана
Исто како кај возрасните, и кај децата одредени намирници можат да го нарушат сонот. Преработена храна, бои, конзерванси или дури и млечни производи и пченица кај некои деца можат да предизвикаат немирен сон, гасови или често будење.
Ако доите, земете го предвид и тоа што вие консумирате. Касно кафе или чоколадо може индиректно да влијае врз сонот на вашето бебе.
Совет: водете дневник за исхраната и спиењето неколку дена. Може да забележите обрасци кои ќе ви помогнат да го откриете „тригeрот“ за ноќните будења.
