ПИШУВА: Прим. д-р Ферит Муча
педијатар
♦♦♦♦♦♦♦
Што да направите ако мислите дека вашето дете има алергија на некој вид на храна?
Ако детето покажува знаци дека има проблем со дишењето, осип или отекнување по лицето треба да се однесе во најблиската здравствена установа, затоа што понекогаш може да бидат опасни за неговиот живот. По смирување на состојбата се преземаат мерки за да се утврди на што точно е алергично детето, односно алерголошки иследувања ( ИгЕ и кожни алерголошки тестови, но имаат значење само доколку кореспондираат со клиничките симптоми). Со тоа ќе се покаже дали се работи за вистинска алергиска реакција или пак за неподнесување (интолеранција) на одредена храна.
Околу 80% од алергиите на млеко, јајце, соја, пченица имаат добра прогноза и исчезнуваат околу третата до четвртата година од животот, кај другите околу шестата година од животот. Некои видови на алергии потешко се надминуваат, на пример, алергиите на некои видови риби, кикиритки, ореви, бадеми, лешници
Ако се покаже дека детето е алергично на некоја храна ќе мора да се одбегне таа храна. За тоа ќе треба да се предупредат сите тие коишто го чуваат детето (родителите, негувателките итн.) за да внимаваат да не му ја даваат таа храна.
Ако детето покажува знаци дека има проблем со дишењето, осип или отекнување по лицето треба да се однесе во најблиската здравствена установа, затоа што понекогаш може да бидат опасни за неговиот живот
Превенција на алергија кај деца
Најефикасно средство за превенција на алергијата на храна е да се идентификува и потоа да се елиминира соодветната храна. За да го намалите ризикот од појава на алергија на храна кај децата треба:
-
Бебето да се дои што подолго, барем во првите 6-12 месеци. Ексклузивното доење ја редуцира алергијата;
-
Се препорачува дополнителната храна да се воведува постепено и во интервали од неколку дена со што полесно ќе се увиди на која храна се јавува алергија, и да ја избегнувате во иднина;
-
Децата со голем ризик за појава на алергија (коишто имаат алергија во блиската фамилија), а не се дојат, и се сомневаме за алергија на кравјо млеко, првите месеци им се препорачува доеначка формула – хипоалергенско млеко;
-
Други дополнителни храни може да се воведат една по една, во мали количини, нарочно да се одложи воведувањето на дохранување со повисок алергиски потенцијал првата година, како свежо кравјо млеко и производите од свежо кравјо млеко, јајце, риба, јаготки, соја итн.;
-
Доењето има профилактичен ефект за настанување на алергија кај доенчето. Нема дете алергично на мајчино млеко и ако некое дете е на природна исхрана, а манифестира алергија тоа се должи на исхраната на мајката. Со елиминирање на потенцијалните алергени од исхраната на мајката проблемот се надминува. Затоа мајките треба да се охрабруваат што подолго да ги дојат децата;
-
Раната идентификација на алергенот односно точната дијагноза е важна за да се превенираат симптомите, да се овозможи на детето нормален развој со соодветна диететска исхрана.
Дали може да исчезне алергијата на некоја храна?
Да, алергијата на одредена храна која ја имало детето, може да исчезне во текот на следните неколку години од неговиот живот. Околу 80% од алергиите на млеко, јајце, соја, пченица имаат добра прогноза и исчезнуваат околу третата до четвртата година од животот, кај другите околу шестата година од животот. Некои видови на алергии потешко се надминуваат, на пример, алергиите на некои видови риби, кикиритки, ореви, бадеми, лешници. Не може однапред да се каже дали алергијата ќе биде трајна или ќе исчезне со текот на времето.
ПОВЕЌЕ ОД ИСТИОТ АВТОР, ПРИМ. Д-Р ФЕРИТ МУЧА:
