ПИШУВА:
Прим. д-р Љиљана Којиќ
педијатар
♦♦♦♦♦♦♦
10 ПРАВИЛА ЗА ЗАШТИТА НА ДЕЦАТА ОД СОНЦЕ НА ПЛАЖА
Правило 1. Верувам дека веќе сите знаат, но јас сепак ќе кажам: Одбегнувајте да го изложувате детето на директна сончева светлина помеѓу 10-16 часот, кога сончевите зраци се најсилни.
Правило 2. Ако сепак решите да не бидете во хотелска соба во тој период, тогаш побарајте солидна сенка – сенка на некоја зграда, која не ги пропушта сончевите зраци.
Правило 3. Мало потсетување е дека платнените чадори за сонце имаат СПФ (фактор на заштита од сонце) макс. 10-15. Бирајте чадори за сонце од солиден материјал (дрво, или трска во повеќе слоеви).
Децата имаат потенка кожа и полесно дехидрираат. Доволниот внес на течности е императив! Цело време имајте покрај себе вода и нудете го детето!
Правило 4. За телото изберете препарат за деца со заштитен фактор најмалку 30, но пожелно е 50+. Тој мора да биде со широк спектар (и УВА и УВБ заштита). На пазарот има многубројни препарати од сите брендови.
Погрижете се целата изложена кожа да е рамномерно прекриена, уште додека сте во соба, пред да излезете на сонце. Ставете доволно количество на препаратот (мало дете 20 мл, а големо 30 мл) и не заборавајте да го обновувате по секое бањање, на добро исушена кожа.
Правило 5. Изберете „фенси“ боја на препаратот, која на детето ќе му биде интересна. На пример, сина…
Правило 6. Не заборавајте го лицето, особено испакнатите делови: носот, усните, брадата и ушните школки. Добро решение за тоа се стиковите.
Правило 7. Главата задолжително заштитете ја со капа од густо-ткаено памучно платно во светла боја. Таа има СПФ 15.
Кај децата, особено оние од 0-3 години, кои поради фактот дека немаат многу коса (за разлика од нас, мајките, кои имаме коса која ни го покрива вратот), како и поради самата положба при играње во водата и во песокот, вратот умее да биде изложен на сонце. Одлично решение за овој проблем се т.н. „легионерски капи“ кои имаат и заштита за вратот.
Правило 8. Не штедете на заштитата на детските очи – задолжително одберете очила со УВ сертификат.
Правило 9. Можете да набавите и костим за бањање со целосна заштита, кој личи на малечок костим за нуркање или сурфање. Може да биде едноделен, или да има два дела – бермуди и маичка. Вакви костуми имаат СПФ. Одберете го оној со СПФ 50.
Правило 10. Ако вашето дете е атопичар (алергичар) изберете крема со минерален филтер која треба да содржи титаниум диоксид и цинк оксид.
Сепак, секогаш имајте на ум дека препаратот со СПФ не е некаков си магичен вел, кој ќе пружи 100% заштита. Кожата е старо злопамтило. Затоа заштитата на детската кожа е од исклучителна важност, зашто токму оштетувањата на кожата направени во детството можат понатаму во животот да резултираат со малигни заболувања.
ПРОЧИТАЈТЕ И… Интервју со прим. д-р Љиљана Којиќ: Предвремено родените деца растат малку побрзо од врсниците и ги стигнуваатКај децата, особено оние од 0-3 години, кои поради фактот дека немаат многу коса, како и поради самата положба при играње во водата и во песокот, вратот умее да биде изложен на сонце. Одлично решение за овој проблем се т.н. „легионерски капи“ кои имаат и заштита за вратот
И на крај, но можеби и најважно, е да потсетам дека децата имаат потенка кожа и полесно дехидрираат. ДОВОЛНИОТ ВНЕС НА ТЕЧНОСТИ E ИМПЕРАТИВ! Цело време имајте покрај себе вода и нудете го детето!
⇒ Ако се придржувате до овие правила, не само што ќе го заштитите детето од сончеви изгореници, туку и од сончаница, притоа не ускратувајќи му ги сите радости што ги носи летото на плажа.
ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:
- Бебешката кожа е нежна, но не е чиста, затоа бебето треба да се бања секојдневно
- Нема среќно бебе ако мајката е несреќна и преморена
- Глад, престегната пелена, грчеви, никнување на запчиња, „скок во растењето“- причини за силен плач кај малите бебиња
- МОРБИЛИТЕ НЕ СТИВНУВААТ. Жени кои планираат бременост не би смееле да останат бремени 4 недели по примање на ММР вакцина
- Како да одбегнете амонијакален дерматит кај бебето
- РОДИТЕЛИТЕ ПРАШУВААТ, ПЕДИЈАТРИТЕ ОДГОВАРААТ… Тазе прележана варичела не е пречка за вакцинирање со ММР
- Oдбраната од инфекции скоро и да не постои кај предвремено родените деца
- Секогаш ставајте го бебето да спие на грб
- Што треба да знаете ако сте родители на предвремено родено бебе? (1)
- Не го споредувајте вашето прематурче со бебињата-врсници на вашите пријателки кои се термински зрели новороденчиња (2)
